fbpx
مونتيسوري مصر- تقدمها مروة رخا

محتاجة حد يلمسنى و خايفة أغلط

ازيك يا جميلة .. ؟؟

أنا اتعودت كتير ابعت لك عن طريق الفيس بوك.. ولكن المرة دي حاسة ان عندي كلام كتييييير .. مش حينفع اكتبه عالفيس بوك لأنه بيعلق.. الأول أحب أهنيكي على الزواج والحمل .. وبدعي لك من كل قلبي تتوفقي في حياتك وتتحقق لك كل أحلامك.. يارب ..

أحب أفكرك بالقصة اللي كنت استشرتك فيها اخر مرة .. وهي الحب الذي أحمله لرجل أكبر مني بكتير.. وانه محتاج قرب .. وحميمية اكتر في العلاقة..

وأنا حدودي يوم ما ضعفت وحسيت اني مش قادرة اقاومه .. كانت حضن عميق.. وبعض القبلات.. وبس.. بعدها أنا خفت اشوفه تاني من الاصل.. وهو قال لي انه خايف عليا من نفسه .. وفضلنا على اتصال لمدة سنتين .. في الأعياد والمناسبات وبالرسائل النصية فقط .. وأحيانا مكالمة قصيرة جدا لا تزيد عن 5 دقائق..

انتي نصحتيني احافظ على قلبي وافهمه حدودي وما انجرفش معاه في حاجة انا رافضاها..

بس دلوقتي.. انا حاسة باحتياج كبييييييييير لعواطفه ناحيتي.. ولحبه ليا.. وحاسة اني اذا تواجدت معاه مش حعرف اقااوم اي حاجة.. ودة مخوفني اكتر.. يعني برغم حبي ليه واحساسي برغبة فيه زي رغبته فيا .. خايفة انجرف.. وانحرف.. واضيع نفسي بايدي.. لأني زي ما قلت لك .. مش عايز يتجوز ابدا.. واذا كان حيقرر الزواج .. فلازم يحس بالقرب دة..

أنا محتارة .. بين احتياجاتي ومشاعري اللي مش عارفة اشبعها ازاي.. وبين اني بخاف اقرب من أي بني ادم للدرجة دي .. زيه .. تفتكري الحل اني اعيش المشاعر والتجربة .. واللي يحصل يحصل.. ؟؟ ولا احاول احس بحد تاني .. يكون جاد في الزواج.. ؟ ودة الاقيه ازاي اصلا.. ؟؟ أنا محتاجة الجواز جدا جدا جدا.. عاطفيا وجسديا ونفسيا.. ياريت تنصحيني مش عارفة اعمل ايه..؟؟
مش عايزة اقول لك الأبشع من كدة.. اني تقريبا أدمنت العادة.. وبقيت حاسة ان نفسي اي حد يلمس جسمي.. حتى لمجرد اللمس .. بفكر اعمل مساج بس عشان احس بلمسات على جسمي.. تخيلي!!!

ياريت تنصحيني..
 

__________________________________

 

الله يبارك فيكى يا حبيبتى
🙂
 
عقبالك
 
انا مش هقول لك لأ ما تناميش معاه و لا لأ ما تعرفيهوش
 
انا بس عايزة اقول لك انه مش مناسب من حيث السن و لا مناسب من حيث اسلوب الحياة و لا مناسب من حيث المبادئ و لا مناسب من حيث الظروف و فوق دا و دا مش عايز يتجوز و ما وعدكيش بحاجة و مش بيحبك
 
انا خوفى كله انك تنامى معاه و بعد كدة تندمى و ساعتها مش هقدر اعمل لك حاجة
 
فى بنات بتفصل بين الحب و الجنس
يعنى ممكن تقيم علاقة جنسية بس علشان الجنس و اللطافة
 
و فى بنات الجنس عندها تعبير عن الحب
 
لكن انتى حبك له دا مالهوش مردود عنده
انتى واحدة زى مليون واحدة و خلاص
و جسمك زى عشرين قبلك و عشرين بعدك
 
انا مش عايزة اول تجربة ليكى تبقى زفت كدة
مع واحد مش بيحبك
و مش فارقة معاه
 
اما موضوع احتياجاتك العاطفية و الجسدية فدا شئ طبيعى و حق مشروع ليكى
اختارى صح
 
و وسعى نطاق اختياراتك و حتى لو قررتى انك تنامى مع حد من غير جواز يبقى على الاقل حد بيحبك بجد و مخه متفتح و مش هيحسسك بالوساخة و لا الدونية و لا عدم الامان
 
اسوأ الغلطات فى الدنيا هى اللى الواحد بيغلطتها فى حق نفسه

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”