fbpx
مونتيسوري مصر- تقدمها مروة رخا

ترجمة موقف – حب الجامعة

 

هااااي ياميرو
 
انا عمري 18 سنه في تانيه جامعه دخلت الكليه زي اي بنت عاديه
 
اتعرفت علي شله جميله جدا وكنت متفوفه ولكن دلوقتي حياتي اتقلبت وبقيت طول الوقت مكتئبه والمستواى الدراسي بتاعي انهار وكمان عندي مشكله عاطفيه 
 
انا كنت معجبه بواحد عمره 23سنه وهو الولد الوحيد في الدفعه بتاعتوا وكل البنات متلمين حوليه في الجامعه دخلت شلتنا وحده صحبتوا اوى وراحت وقالت للولد اني معجبه بيه دا كان نهايه السنه الى فاتت ودا ا غاظني جدا على العموم قالها انا كمان معجب بيها وحاول يتقرب مني في السنه الجديده وانا كنت مش ببص في عنيه وماكنتش اقدره اتكلم معاه وبعدين قال لصحباتي اني مش عايزاه واني بتساخف معاه وبعدين اختىفى
 
ولما رجع قال لصحبتي انوا عايز يدرس وانوا الحب بيعطلع انا اللي غايظني انوا هو عارف اني معجبه بيه وكمان صحباتي عايزه ارجع اتعامل مع الموضوع عادي وارجع زي الاول واحسن وحابه اسالك سؤال انا رسلت اشارات غلط ولا الحاصل ايه وهو بيسال على نتاجي وحافظ رقمي السري بتاع الجامعه مع اني عمري ما اديتهولوا وعايزه اعرف سبب اكتئابي وحياتي اللي بقت متلخبطه ارجوك يامروه ساعدي ابقي زي الاول عشان حياتي على حافه الانهار واخيرا حابه اعرف اقرا ردك فين
مررروه ارجوكي ردي علي بسرعه 
 
_____________________________________________
 
الموضوع ان انتى و هو فى مكانين مختلفين
 
هبسط لك الموضوع
 
انتى لسة فاهمة الحب زى طلبة اعدادى و ثانوى. البنت تتقل و الولد يجرى وراها. البنت تتدلل و الولد يجرى وراها. البنت لو ابتسمت الولد يبوس ايديه وش و ضهر.
 
هو بقى مش فى نفس المكان دا. هو أكبر منك و من دفعتك كلها و دا معناه انه عنده خبرة اكتر و شخصيته مختلفة عن الولاد اللى فى سنك. و البنات كلهم حواليه يعنى هو مش محتاج يجرى ورا حد و لا يتسحمل تقل حد.
 
هو مش بتاع نبص لبعض و نلاغى بعض و نلعب العاب طفولية مع بعض. هو بتاع نخرج و نتقابل و نتصاحب و نمسك ايدين و نقول كلام حب و يمكن اكتر من كدة شويتين.
 
فلما انتى عملتى الحركات بتاعة ثانوى هو اتخنق و صرف نظر
 
أنا مش بقول لك انك غلط
انا بافسر لك اللى حصل
 
و هرجع و اقول لك جملتى المعتادة … ما تعمليش حاجة غصب عنك و ما تعمليش حاجة تندمى عليها لو الموضوع انتهى او اتعرف.
 

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”