fbpx
مونتيسوري مصر- تقدمها مروة رخا

كلاكيت عاشر مرة: الهوس الجنسى و العادة السرية

مروه ازيك …بعد السلام انا عندى مشااكل كميه يامروه ف حياتى ومتضايق منها لدرجه ان اليوم بحاله بفكر فيها وكده …انا شاب عمرى عشرين سنه بدرس فى الجامعه فى سنه تالته سبق ان خضت علاقه عاطفيه وفشلت وغيرها اصلا لا قبلها ولا بعدها ماجربتش .. بس بعدها حصل حاجات كتيير ,,,

اولا 
انا مش عارف انا بيقيت بحس انى انسان غير سوى انا بقيت لىا الرغبه الجنسيه ف اى بنت او ست حتى اكبر منى بطريقه يعنى تقدرى تقولى كل الوقت بفكر فيهم ده غير انى بمارس العاده السريه بمعدل مرتين يوميـــــــا وبكرر يوميا مرتين ومرات تلاته وبرضو مابتهدش كل ماشوف واحده حلوه وجسمها حلو او جسمها حلو ومش حلوه المهم انا بتعذب اوى اما اشوف البنات الغير محتشمين وبيكونو مليانين وجسمهم حلو 

تانيا بقيت عندى الرغبه دوما فى ممارسه الجنس وده طبيعى لانو انا عمرى ماحصل جربت الا مره واحده وانا وقتيها كنت صغير عمر ستاشر سنه يعنى لسه كنت مش بالغ وماكنش فيها متعه هى كانت واحده جارتى واكبر منى كانت هى اللى راودتنى وغلطت معاها بس والله ماعملت تانى نهائى 
غير كده انا بقيت مش عارف يعنى اقعد مع واحده وكدا وحدينا من غير مافكر فى الموضوع ده اللى هو الجنس وده عائق قدامى كبير قدام الهدف اللى بيقى قصاد عينى على طول ومش همى فى الدنيا غيرو اللى هو(البنت) اللى هاحبها 

بيقت عندى رغبه فى الحب وفقدان الحنان عندى كبير جدا ومش لاقى او بمعنى اصح مفيش وااحده معبرانى مش لانى مش حلو ولا شكلى حلو لا انا الحمد لله وسيم ومميزاتى حلوه بس عيبى انى مش بعاكس عشان يوقعو ف يدى البنات ف مش لاقى 

انا يامروه كنت طول عمرى من المتفوقين والنوابغ بس اول مادخلت الجامعه المستوى بتاعى تدنى تدنى لدرجه انى بقيت بتمنى بس انجح من غير ماشيل اى ماده (مى بس النجاح) فى حين انى طول عمرى هدفى التفوق والسبب العاده السريه والبنات 
انا مش عارف اعمل ايه بجد يامروه افيدينى بسرعه بلييييز

—————————————–

انت محتاج وقفة مع نفسك

الاحتياج العاطفى طبيعى جدا فى كل ولد و بنت و الاحتياج الجنسى كمان طبيعى جدا

و ما ينفعش نتجاهل الاحتياجين دول زى ما ما ينفعش نتجاهل احتياجنا للأمان او احتياجنا للنجاح او احتياجنا للاحترام و التقدير

لكن اى حاجة بتزيد عن حدها بتتقلب مرض .. هوس

يعنى لو الاحتياج للأمان زاد عن حده الطبيعى هتتحول لإنسان ضعيف مهزوز فاقد الثقة فى نفسك و "لازقة" للناس و البنات و فى الأخر الكل هيحس انك عبئ نفسى و هيطفشوا منك

و لو احتياجك للنجاح زاد عن حده الطبيعى هتتحول لآلة .. انسان من غير روح و لا جوهر … كائن مفترس … جشع … و ممكن تدوس على أى قيمة أو أى انسان علشان توصل للى انت عايزه و فى الأخر ما حدش هيرضى يعرفك و لا يصاحبك لانك شخص انتهازى

و لو احتياجك للاحترام و التقدير زاد عن حده الطبيعى هتتحول لانسان منافق .. بتبوس ايد اى حد و بتعمل اى حاجة علشان تسمع كلمة شكر او تقدير .. هتبقى عبده مشتاق و الناس برده هيقرفوا منك و من "المحلسة" بتاعتك

احتياجك للحب و الجنس طبيعى لكن انت حولته لهوس و دا هيؤدى الى ان البنات هيقرفوا منك و من الحاحك و من تركيزك على جسمهم بدل شخصهم
و شوية شوية هتحول ل
عيل سيس و مافيش واحدة هترضى تتجوزك

الحل ايه؟

انك تخلق لنفسك هوايات و انشطة تستهلك جزء كبير من طاقتك الذهنية و الجسدية

انك تفتكر كلامى دا و تحاول تفتكر ان الدنيا فيها حاجات تانية غير الشهوة

انك تحترم نفسك و تفتكر انك ارقى من الحيوانات و انك لازم تسيطر على غريزتك

و زى ما قلت لك انت احتياجاتك دى كلها مشروعة لكن الهوس بيها هو اللى هيضيع حياتك

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”