fbpx
مونتيسوري مصر- تقدمها مروة رخا

#MontessoriEgypt بالصور من أول يوم حتى 12 شهر #مونتيسوري_مصر

346

 

فلسفة و تعاليم المونتيسوري مبنية على احترام الطفل و التعامل معاه على انه بني آدم له شخصية من يوم ولادته مش انه صفحة بيضاء بيتكتب فيها ولا انه شئ لا له رأي و لا رغبات أو احتياجات! مفهوم تشكيل الطفل مقهوم مرفوض في مدرسة المونتيسوري!

ماريا مونتيسوري ركزت على حق الطفل من ساعة الولادة لحد ما يبقى عنده سنة انه يكون في بيئة آمنة سهل يتحرك فيها و رفضت القضبان و الأسوار و الأحزمة و كل ما يقيد الطفل في الحركة و الاستكشاف

و في نفس الوقت د. سيرز أكد على احتياج الطفل للحضن و الشيل و التواصل الجسدي مع الأم و من هنا جت فكرة حاملة الطفل
Baby wearing

ماريا مونتيسوري و د. سيرز دافعوا عن حق الطفل في الخروج و الفسح و الاحتكاك بالطبيعة و التجارب الثرية

الاتنين أكدوا ان مخ الطفل عامل زي السفنجة و بيمتص كل التجارب و الخبرات و اللغات اللي بتمر عليه من أول يوم لحد سن 3 سنين و مرحلة التعليم المقصود بتبدأ من سن 3 إلى 6

اثارة فضول الطفل و اثارة حواسه من أهم متطلبات المرحلة العمرية دي

لازم يشوف حاجات جديدة
لازم حد يتكلم معاه و يحكيله و يقراله دايما
لازم يلمس اسطح مختلفة و يستكشفها
لازم يمسك حاجات لها أشكال و أوزان مختلفة
لازم يسمع أصوات مختلفة و يتعامل مع أشياء بتصدر أصوات مختلفة
لازم يكون له حرية وضع الأشياء في بقه و على مناخيره لأنه بيتعرف على كل حاجة من خلال التذوق

في الصور مش هتلاقوا لعب كتير مع آدم … التركيز كله كان على الخروج و الطبيعة و اللعب في الرمل و على النجيلة. و هتلاقوا انه كان معايا على طول في المطبخ و الحمام و انا بقوم بمهامي المنزلية. شنطتي و محفظتي و مفاتيحي و جراب الكاميرا كانوا لعبه المفضلة و أول حاجات استكشفها.

من حق الطفل انه يلمس و يشوف و يسمع و يتذوق و يشم و يحس بالبيئة بتاعته و مش من حق الأهل يقفوا في طريق نموه و تطوره بحبسه داخل مساحة واحدة سواء كانت في غرفته او في أي مكان بالمنزل.

البيئة الآمنة الجميلة الصحية أهم حاجة الطفل محتاجها في المرحلة دي من عمره!

 

الصور هنا: http://www.flickr.com/photos/marwarakha/sets/72157633293966499/

و هنا

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”