fbpx
مونتيسوري مصر- تقدمها مروة رخا

عن كتاب مروة رخا: أنا أستحق الحب

كتاب مروة رخا أنا أستحق الحب: يه لما كبرنا ما عرفناش الفرق بين "لوحدنا" و"الوحدة"؟ ليه اتنازلنا؟ ليه اخترنا أصدقاء غلط وشغل غلط وشركاء غلط؟
عن كتاب مروة رخا: أنا أستحق الحب

تعالوا نبص على حياتنا ... حياة كل واحدة فينا ... هنرجع لورا خالص ... للطفولة ..
ليه استحملنا السخرية؟
ليه أخدنا جنب وقت ما اتنمروا علينا؟
ليه رضينا نصاحب ناس عاملونا على أننا ستبن في حياتهم؟
ليه ما اخترناش صحابنا؟
ليه صدقنا كلمات جاهلة جارحة من ناس غير تربويين أو مهزومين أو معقدين أو حاسين بالدونية؟
ليه ما دورناش على نقط قوتنا وشغفنا غير بعد عشرات السنوات؟
ليه لما كبرنا ما عرفناش الفرق بين "لوحدنا" و"الوحدة"؟
ليه اتنازلنا؟
ليه اخترنا أصدقاء غلط وشغلانات غلط وشركاء غلط؟
ليه بعد ما عرفنا أن دي علاقة مسيئة أو سامة أو زبالة ... استمرينا؟
ليه فقدنا إيماننا بنفسنا؟ امتى أصلاً حصل دا؟
أقول لكم ليه؟
علشان احنا عمرنا ما حسينا ولا عرفنا أننا نستحق الحب!
سنة ورا سنة ... من الطفولة لما قبل المراهقة للمراهقة للعشرينات للتلاتينات ... او أكتر
أقنعونا أننا لا نستحق ... أن مش من حقنا الحب غير المشروط ... القبول ... الاحترام .. العلاقات الصادقة ...
طيب نعمل إيه؟
نحمي ولادنا ...
نحميهم من فخ العلاقات السامة ... من صداقات السوء ... من التنازلات خوفاً من الوحدة ... من قبول أقل القليل ... من الاستمرار في الخطأ ... من ضعف الثقة بالنفس ... من فقر تقدير الذات
نحميهم إزاي؟
نحبهم ... نحبهم زي ما هم .. على قد ما نقدر
ونجيب ناس يحبوهم زي ما هم
ونعمل معهم نشاط "أنا أستحق الحب"
إيه النشاط دا؟
اشتروا كتاب مروة رخا "أنا أستحق الحب" واقروه مع ولادكم
مش كفاية كدة!
بعد ما تقروه اعملوا كتاب خاص لولادكم ... اسألوهم..
امتى بتحس بالحب من ماما؟ امتى بتحس بالحب من بابا .. امتى؟ امتى؟ امتى؟
امشوا زي الكتاب هتوصلوا معهم لقناعات مهمة عن نفسهم .. عن اختيار الأصدقاء ... عن المقبول وغير المقبول ...
اكتبوا وراهم ... خلوهم يرسموا لوحات تعبر عن مشاعرهم
حطوا الكلام جنب اللوحات واعملوا منهم كتاب يعيش معهم العمر كله ...
كتاب هيكون مرجع لهم لما الدنيا تسود في وشهم ويتوهوا من نفسهم ...
كتاب هيرجعم لأرضهم مهما شرقوا وغربوا ...

صور حفل توقيع كتاب أنا أستحق الحب
تعويذة مروة رخا: ظهر غلاف كتاب أنا أستحق الحب

فيديو: لايف حفل إطلاق كتاب: أنا أستحق الحب

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”