fbpx
مونتيسوري مصر- تقدمها مروة رخا

 

نهاد رجب مدرب ومعالج بالتنويم الايحائي يحاور مروة رخا 

مقدمة نهاد رجب عنى 

مروة رخا ، مستشارة العلاقات العاطفية والانسانية و ال Marketing Guru

دايما كنت بعاكسها ، سمعت عنها بالصدفة وحبيت اتعرف عليها اكتر ، لاقيتها حد محترف جدا بسيط اوي ولطيف فعلا

حضرت محاضرة قصيرة شوية بس من اجمل الندوات الي حضرتها في مجال الدعاية الذاتية وده لاني حسيت انها بكلامها قريبة اوي ، مش بتتكلم في خزعبلات وكلامها بسيط وبيوصل ومبني على تجارب شخصية وده الي اداله مصداقية قوية جوا كل الحاضرين .

المرة ديه ، ولان موضوع العلاقات مرتبط بمجالي في علم الاقناع النفسي بالتنويم الضمني ، وده مبني على الفكرة الي بتناولها في مقالاتي المرتبطة باسهل الطرق للوصول لقلب الشخص وعقله من خلال الكلام وبعض التقنيات النفسية . المرة ديه هنسال في العلاقات الاجتماعية وانسب الطرق لبناء علاقات اجتماعية مع ناس من حوالينا ..

وكان اول سؤال ليها 

اشمعنى المجال ده "العلاقات" ؟ وليه اختارتيه ؟

اولا رخا مش رخى

ثانيا انا ماخترتش اى حاجة … انا دخلت كل باب اتفتح لى و مشيت على طريق مرسوم لى زى ما تكون كل الحاجات اللى مريت بيها فى حياتى كانت بتأهلنى للدور دا
زمان كنت باسأل هو انا ليه بامر بكل التجارب دى .. دلوقتى فهمت

ازاي قدرتي تنجحي فيه ؟ وهل بدأتي من الصفر واتعلمتي من تجارب حياتك ولا زي مانقول الفطرة ليها عوامل؟

الصدق … انا مش باكذب و دا اللى خلا الناس تأتمنى على أسرارها انا لسة باتعلم و باراجع مواقفى كتير و بعدين انا مش بالعب دور العالم بالأشياء المالك للحقائق .. انا واحدة من الناس .. باغلط .. باتعلم .. بانشر تجربتى .

عايز تلات حاجات ممكن اعملهم علشان احافظ على العلاقات الي حواليا واستثمر العلاقات ديه في مشاريع تانية مختلفة في التسويق ليا كشخص او لمنتج ما انا بقدمه.

الناس بتنفر من اللى بيستغلها و اللى بياخد ما بيديش و اللى ما لهوش مبادئ و اللى بيغلب به بيلعب به .

ايه مراحل تكوين علاقة اجتماعية ما ؟ يعني ازاي اقدر اقول اني اعرف فلان ولو طلبت منه حاجة مش هيقولي لأ ؟

اللى تعرف ديته اقتله

ولما طلبت توضيح :

تعالى ناخد سؤالك بالعكس

فلان دا ليه ممكن يرفض طلبك؟

اولا شخص قتم
ثانيا شخص مش مقتنع بيك
ثالثا شخص مش عارف يخدمك ازاى
رابعا شخص مش حاسس انه هيستفيد منك
خامسا شخص حاسس انك انتهازى او استغلالى
سادسا شخص محتاج وقت علشان يثق فيك الاول
(bonding)

هتلاقى ان اغلب الاشخاص دول ما يستاهلوش انك تسألهم اصلا و الباقى مسالة وقت

من الاخر يا نهاد لازم تستثمر فى علاقاتك
او تدعى ان ربنا يحبب خلقه فيك لله فى لله

ازاي اقدر اوصل للشخصيات المهمة وازاي ممكن ابدأ كلامي معاهم ؟

مش عارفة انا عمرى ما عملت كدة انت تشتغل و تكبر و تعطى للناس وقت و مجهود و تفانى و كل الكبار هيجروا وراك.

ايه اكتر وظيفة بتسمحلي اني اتعامل مع اكبر عدد من الناس الي ممكن يفيدوني في حياتي ؟

كل الناس ممكن تفيدك فى حياتك .. انت ممكن النهاردة تقابل واحد او واحدة عندهم 15 سنة و ضايعيين و حالهم كرب و تقف جنبهم بكرة الله اعلم هيبقوا فين انا اغلب الناس اللى بيقفوا جنبى النهاردة فى تسويق شغلى كانوا طلبة عندى من اربع و خمس سنين و ما بخلتش عليهم بعلم و لا بوقت و لا بنصيحة .. دلوقتى عيال تفرح و ناجحة و مظبطيننى .

ازاي ممكن استخدم العلاقات بتاعتي كذا مرة ؟ مش مرة واحدة وارمي الكارت ؟

كل ما استثمرت فيهم و حولت علاقات لصداقات حقيقية كل ما طال عمرهم

هو انا المفروض اتكسف وانا بستخدم العلاقات بتاعتي علشان اوصل لهدف ما ولا ده شىء طبيعي ؟

احساسك انك بتستغل حد او انك بتستعمله زى ورق الكلينكس هو اللى بيكسفك

هعزمك امتى عالعشا ؟
لما نبقى اصحاب بجد و تنسى انى انثى

راجع كل تعليقاتك على الوول عندى لو مش مصدق

وكان ردي : انسى انك انثى ؟

انتي خايفة اعاكسك 😉

عموما كنت في محاضرة لانثى زي القمر قالت اعرف نقط قوتك فين واشتغل عليها .

وده شجعني اني استفيد اكتر وافيد حبايبي في الجروب او في اي مكان تاني ، بحيي مروة رخا ياجماعة وان شاء الله في اقرب ندوة ليها هجمع كل المهتمين من جروب عيشها بدماغك حصريا ونروح كلنا سوا .

نهاد رجب 
http://www.nihadragab.com

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”