fbpx
مونتيسوري مصر- تقدمها مروة رخا

سؤال مهم عن العلاقات خارج نطاق الزواج

 
 
 
مروة عاملة اية ؟

مروة انا كنت سايبة صاحبي 2 سنة بس كنا مع بعض قبلها 7 سنين

و كنا تقريبا بنعمل كل حاجة مع بعض الا حاجة واحدة

المهم سبنا بعض و هو صاحب و انا كمان بس انا مش حبيت غيرة وسبت الى بعدة

هو كمان ساب صحبتة و اتقبلنا صدفة و رحعنا نتكلم بس انا متاكدة من نفسي

انا عايزة ابقي معاة

 

بس علطول خايفة 
و كتير بفكر 
هو بقي مش متاكد من نفسة

 

و قالي حنجرب و نشوف اية النظام بس فاهمة … قبل كدة كان بيحصل حاجات بينة و طبعا اكيد هو واحشني اوى

و كنت ناوية مش نعمل حاجة مع بعض لحد ميتاكد هو كمان بس نزلنا كزا مرة و مرة اتغدينا مع بعض و حصل كدة يعني

و بعدين انا قلت لنفسي ان حاحول مش يحصل تاني بس شفتة و بسنا بعض بس مش عملنا حاجة تانية

 

بس انا القالقني بقي هو مفروض اتعامل معاة ب حدود عشان لسة احنا بنجرب ؟
ولا عادي اعمل الانا حاساة؟

 

و هو الموضوغ دة ممكن يقربنا اكتر ولا كدة انا بديلة ل هو عايزة كن غير ميتعب نفسو؟؟

ولو حقولو مش هنعمل كدة طب مش هنعمل كدة لية ّّّ؟؟و مفروض ان دة كنا بنعملوا عادي قبل كدة

مش عارفة مفروض اكون ازاي معاة فبجد مش عارفة بحبوا اوي بس مش عارفة اتعامل ازاي

ومش عايزة اضغط علية و قعد اسال و كدة عايزة اديلوو ادي ل نفسي فرصة ان نجرب المرة دي من غير مشاكل لاني بحبة اوى و نفسي ابقي معاة علي طول

بليز مروة لو في حاجة انا غلط بعملةا في التعامل قوليلي لاني مصدقت رجعنا نتكلم "

——————————————

 اهلا يا مشمشة

 

 
هو لو بعد اسبوع و لا شهر و لا اتنين جيه صاحبك و قال لك يا مشمشة انا مش حاسس بحاجة ناحيتك … حاولت و مش قادر … و ربنا يوفقك
 
هل هتندمى على الحاجات اللى حصلت بينكم؟
هل هتحسى انه كان بيستغلك؟
 
لو اجابة السؤال الأول أيوة
 
يبقى اللى انتى بتعمليه دا اسمه رشوة … أيوة بترشيه بجسمك علشان يفضل معاكى
و ساعتها تأكدى انه أول ما هيزهق أو يشبع هيسيبك … لأنك بترشيه علشان يحبك أو يمثل انه بيحبك
 
لو اجابة السؤال التانى أيوة
 
يبقى اسمحى لى اقول لك من دلوقتى ان هو مش بيستغلك و ان انتى بتعملى كدة علشان انتى عايزة تعملى كدة

 

و بعدين انتى ليه شاغلة نفسك بيه … قاعد و لا ماشى … بيفكر فيكى ازاى … بياخد اللى هو عايزة بالسهل و لاايه

انتى فين من الحكاية دى؟

ليه مالكيش مبدأ؟ انتى شايفة ايه الصح و ايه الغلط؟ ايه العادى و ايه اللى مش عادى؟ ايه اللى ينفع و ايه اللى ما ينفعش؟

حددى مبادئك و اعملى بيها

فكرى و اختارى و اتحملى عواقب اختيارك

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”