fbpx
مونتيسوري مصر- تقدمها مروة رخا

الابتزاز العاطفى: عايز ياخد عذريتها علشان يتأكد انها بتحبه

أنا عندي 24 سنة .. حبيت واحد و أنا عندي 14 سنة و كان يعتبر حب مراهقة وطفولة وكان هو في الوقت ده كله خجول وكنت أنا أجرأ منه في حاجات كتير المهم لما وصلنل الثانوية عامة سبته ومن غير أي سبب واضح

فى يوم و أنا 3 جامعة لقيتو قاعد في وشي و حاول نرجع لبعض و رجعنا … بس لقيتو بقا شخص تاني اتغير و بقا جريء اوي في كل حاجة و اللي عجبني فيه انو حكالي على كل حاجة عملها من ومما بعدنا عن بعض بس صدمن في حاجات كتير عشان قالي انو كان على علاقة ببنات مش كويسين وكان تقريبا عايش معاهم و كان في بنهم علاقة كاملة وكان على علاقة ب ستات متجوزين كمان بس قالي انو كان كاره الجو ده كله وانو عمل كده بسببي عشان سبتو و كان بيحاول ينساني في كل دة انا في الاول اتصدمت من اللي قالو بس بعدين ارتحت عشان هو قالي على كل حاجة و اتفقنا نبدأ حياة جديدة و ننسى كل اللي فات…

المهم فضلنا مع بعض سنة و نص حصلت بينا مشاكل كتير و كنا بنرجع تاني و كان ف الأول بيشك فيا وكان بيقولي غصب عنه عشان البنات اللي كان يعرفها و قدرت اخليه يثق فيا وشال فكرت الشك ده خالص بس في الفترة ده حصل بينا حاجات كتير و تقريبا كل حاجة حصلت مه عدا آخر حاجة ده

و رفضت انه يضيع عذريتي و كنت فاكرة ان بعد اللي حصل ما بينا هيسيبني بس لقتو متمسك بيا اكتر من الأول وحاولت اسيبو بس عشان زعلت من نفسي اوي بسبب اللي حصل و قالي انا مش عاوز منك حاجة بس خليكي معايا

دلوقتي احنا مع بعض وانا حبيتو اكتر بكتير من الأول و بجد مش قادرة أفكر مجرد التفكير اني اسيبو بس بدأت أحس انو بيحبني حب شهوة و بقالو فترة بيتكلم معايا انو نفسو يحس بيا في حضنو يعني نفسو يحصل حاجة بينا أنا مش خايفة اني لوعملت كدا انو يسيبني عشان انا عارفة انو بجد بيحبني

بجد بس انا مش حابة أعمل كدة الا بعد الجواز عشان انا غلطت معاه مرة و ربنا ستر فيها و مش حابة أغلط تاني و لما قلتلو كدة قالي انتي مش عايزة تعملي كدة عشان تحافظي على نفسك عشان أتجوز غيرو و فهم رفضي كدا و أثبتلو اني مش عايزة غيرو عشان اتقدملي ناس كتير كويسة وانا رفضدتهم بس المشكلة انو رجع اليومين دول يتكلم تاني في الموضوع ده

وانا مش عارفة أقولو لأ عشان خايفة يفهمني غلط مع العلم انو كان مأجل موضوع الخطوبة عشان كشان بيعمل مشروع ليه خاص وهو ماشي فيه كويس دلوقتي الحمدلله فقالي انو مستني بابايا عشان مسافر و هو أهله كلهم عارفين ومستنيين بردو بابا ييجي عشان يتقدم رسمي 

أنا بقى دلوقتي مش عارفة أعمل ايه دلوقتي مش عايزة يحصل بينا الموضوع ده دلوقتي الا بعد الجواز و مش عايزة اقوله لأ عشان خايفة يبعد عني و يفقد ثقته فيا اني بحافظ نفسي عشان غيره و الكلام ده و مش قادرة أفكر حتى اني ابعد عنه فا عايزاك تقوليلي على حل أحافظ بيه على نفسي و مخسروش في نفس الوقت ياريت تساعديني عشان انا فعلن مبنمش من كتر التفكير في الموضوع ده
انا آسفة اني طولت عليكي بس كنت محتاجة احكي حكايتي لحد و يفهمني وميرسي ليكي جدا

________________________

 

أولا انتى صح

صح لأنك مش عايزة تعملى حاجة مش مرتاحة لها او مش حاسة ان دا وقتها

يعنى انتى مبادئك بتقول ان كل حاجة بعد الجواز .. لو خالفتى مبادئك دى مش هتحترمى نفسك

هو بقى اللى كلامه غريب

كلامه زى ما يكون عايز يكسر عينك و بلغة الولاد "يعلم عليكى" علشان يعمل فيكى بعد كدة ما يعمل و انتى تفضلى ساكتة و مستحملة

انا مش مرتاحة له

اللى بيحبك بجد مش هيضغط عليكى و مش هيقول الكلام الاهبل دا
و لو هو مش متأكد انك بتحبيه باختيارك يبقى هو عنده مشكلة كبيرة

قوليله للمرة الأخيرة بكل وضوح و صراحة ان انتى مش هتعلمى كدة و ان انتى اختارتيه بإرادتك و مش هتسيبيه الا اذا حسيتى انه مش بيحترم مبادئك دى! انتى عارفة ان انا مش ضد العلاقات الجنسية .. كل واحد حر! لكن انا ضد الابتزاز و الزن و العيال السيس و الرشاوى العاطفية و الجنسية!

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”