fbpx
مونتيسوري مصر- تقدمها مروة رخا

Montessori Egypt: Adam’s Homeschool – مونتيسوري مصر: مدرسة آدم

Montessori Egypt: Adam's Homeschool - مونتيسوري مصر: مدرسة آدم

#MontessoriEgypt #مونتيسوري_مصر

دي أقسام #المونتيسوري وتوزيعها عندنا في البيت على قد ما قدرت

الفيديو دا كمان مفيد: فيديو: تصميم بيئة تعليمية مناسبة لكل المراحل العمرية
ودا بوست عن الأدوات:
أدوات المونتيسوري. Montessori Materials

في بلكونة كبيرة فيها زرع وأماكن للأنشطة الخارجية مش في الصور

التعليم المنزلي من 0-3 كان 20% في البيت و80% برة. 
دلوقتي من 3-6 بقى 20% برة و80% في البيت 
لكن دا بالتقريب وفي أوقات كتير ممكن نخرج الأسبوع كله على حسب الرحلات الميدانية والجو والميزانية وكدة:)

الأقسام:
Practical Life
Sensorial
Culture and Science
Language
Maths
Art and Music

الترتيب مش مونتيسوري أوي بحكم المساحة لكن شغال يعني:)

دي بقى تجربيتي مع الشراء:

الأول اشتريت أدوات شبه أدوات المونتيسوري وبتأدي نفس الغرض وكان الموضوع دا سهل لحد 3 سنوات. الأماكن كانت "بهجة العقول Mindwinders" وبالذات منتجات Plan Toys
وطبعا Edufun والحيوانات المجسمة من KAMS و Toys R Us وفي حاجات جميلة برده من EduVision ولقيت حاجات حلوة في IKEA ومكتبات سمير وعلى
وبعدين حاولت اشتري أدوات مونتيسوري متصنعة في مصر وطبعا كانت صدمة ... أدوات قبيحة وغير مطابقة لأي مواصفات
ولقيت كذا مدونة ممكن أطبع من عندهم حاجات وأغلفها واستخدمها ودي كانت أحلاهم 

http://www.montessoriprintshop.com/
وأخيرا قررت أستورد وأشحن واتجمرك! الموضوع كابوس! لكن كل الدراسة والقراءة من غير الأدوات ما لهاش لازمة.
الأول قريت شوية ريفيوز من مدونات الأمهات المخضرمات في المونتيسوري برة ولقيت أهم اتنين دول
http://livingmontessorinow.com/…/where-to-buy-montessori-m…/
http://expeditionmontessori.blogspot.com/…/where-not-to-buy…
أول محاولة استيراد كانت من عند Alison
https://www.alisonsmontessori.com/
وبعد ما خلصت الأوردر وحطيت بياناتي ورقم الكريديت كارد وضغطت الزرار جالي اشعار بالرفض ودوست تاني وبرضه رفض ... المهم كلمتهم وطلع انهم مش بيقبلوا كروت دولية ولازم اعمل لهم تحويل بنكي! مش بس دي المشكلة! دول كمان حجزوا المبلغ مرتين على الكارت بتاعي! معنى الكلام دا ان الكارت بتاعي بقى حتة بلاستيك لمدة أسبوع لحد ما الحجز اتفك! طبعا كنت قلقانة ليطالبوا بالفلوس وساعتها المبلغ هيتسحب مرتين وهتبقى مشكلة كبيرة.
تاني محاولة كانت من عند Montessori Outlet
http://www.montessorioutlet.com/
دخلت وطلبت كل اللي نفسي فيه وعملت الأوردر واتقبل الكارت الدولي وبعدين لا حس ولا خبر .... بعد عشر أيام جالي ميل أن الأورد بيتجهز وبعد أسبوع اتشحن على حسابي بتاع Shop and Ship والمفروض بعدها يوصل مصر.
المفاجأة ان في حاجات كتير ما اتشحنتش! ليه؟ غير متوفرة ولما تتوفر هيشحنوها! أمتى؟ الله أعلم!
هم عرضوا يردوا قيمة الحاجات غير المتوفرة لكن طبعا انا قلقت من تغيير المورد ... افرض جبت حاجات ما ركبتش على حاجاتهم واحنا المللي بيفرق معانا!
التأخير دا مأثر عليا لأن في حاجات مهمة في الأول ماجتش وفي حاجات جت مش كاملة.
طبعا قاعدة مستنية الفرج:)
بالنسبة للحاجات اللي اتشحنت ووصلت - مبهرة! أنا فعلا سعيدة بالجودة والخامة والجمال والتناسق:) الشحن والجمارك كانوا تقريبا قد سعر الحاجة:)
كان في بقى حاجات مش عندهم أصلا! دي جبتها من على أمازون لكن اتأكدت انها من موقع Kid Advance مش أي مورد تاني
http://www.kidadvance.com/default.php
الميزة في أمازن هي السرعة والدقة ... لكن في عليه موردين مش معروفين زي مثال للبحث عن البينك تاور
http://www.amazon.com/s/ref=nb_sb_ss_xo_0_10

Michael Olaf
http://michaelolaf.com/store/
الموقع دا بقى حاجته هايلة وجودة عظيمة لكن ركزوا دايما في الروابط اللي على الشمال
Melissa and Doug
http://www.melissaanddoug.com/
دول كنز وخدمتهم هايلة والبازلز بتاعتهم تحفة والملابس وعدة التمثيل عظيمة ... تصفحوه بتركيز:)
For Small Hands 
http://www.forsmallhands.com/
كل الأدوات اللي الطفل محتاجها في الحياة العملية هنا والكتب كمان حلوة جدا
Consumer Crafts
https://www.consumercrafts.com/
الموقع دا محتاج زيارة مرة في السنة:)
طبعا في حاجات كتير من على أمازون زي مجسمات حيوانات كانت ناقصة وعدة الكيمياء وعدة المغناطيس وكتب

الألبوم الكامل هنا

ودا بوست كامل عن الأدوات


من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”