fbpx
مونتيسوري مصر- تقدمها مروة رخا

كلام من القلب: عن كورس المونتيسوري الكامل من 0-3 سنوات

كلام من القلب: عن كورس المونتيسوري الكامل من 0-3 سنوات
أكتر كورس قريب من قلبي هو كورس المونتيسوري الكامل من الميلاد حتى ثلاث سنوات لأن المرحلة دي في رحلتي مع آدم كانت مميزة جداً وتعتبر أنجح مرحلة في تجربة الأمومة.

لأن أنا مدركة أهمية المرحلة العمرية دي في حياة الطفل، بتمنى أي حد بيفكر في الخلفة ياخد الكورس دا.

دي المرحلة اللي بتكون نظرة الطفل للعالم الخارجي وبداية جسر الثقة بينه وبين أهله وأول رصيد في حساب الأهل لدى الطفل والبداية الصح لمهارات الطفل الحركية والعقلية والاجتماعية واللغوية ومهارات الاستقلال والاعتماد على النفس والعناية بالبيئة ومهارات الاستكشاف الحسي (باستخدام الحواس كلها)

فهم خواص المرحلة ونمو الطفل العاطفي والنفسي والعقلي هيساعدكم تعرفوا إيه الطبيعي وإيه اللي مش طبيعي. هيساعدكم تتعاملوا بإنسانة واحترام مع الكائن الجبار دا هيساعدكم تحاربوا الخرافات في التربية علشان كفاية تشوه وعقد وأجيال محتاجة علاج نفسي.

أما الأنشطة الكاملة هتساعدكم - قبل أي حاجة - تكونوا ذكريات سعيدة مع الطفل. هتساعدكم تطلعوا أفضل ما فيه. هتساعدكم تنموا مهاراته المختلفة. هتساعدكم تستمتعوا بوقتكم معاه. هتتعلموا إزاي توفروا للطفل بيئة صالحة لنمو صحي وحياة ثرية بالتجارب المناسبة للمرحلة العمرية دي.

* في عالم مثالي، الكورس المفروض يتاخد قبل الحمل علشان الإنجاب قرار واعي والمفروض اللي ياخد قرار يقدر مسؤولية القرار دا.

* في عالم واقعي شوية، المفروض الكورس دا يتاخد أثناء الحمل علشان دي فرصة للاستعداد النفسي للرحلة القادمة، وعلشان بعد الولادة بيكون لا في وقت ولا تركيز.

* في عالمنا العادي واليومي، الكورس دا ممكن يتاخد في أي وقت مادام الطفل أقل من 3 سنوات.
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”