fbpx
مونتيسوري مصر- تقدمها مروة رخا

فيديو: الكائنات الدقيقة النافعة – نموذج 3 – خل التفاح

خل التفاح في البيت
سهل بقى تعرفوا إيه دا 😍 خل التفاح في البيت
دا كمان كائن حي زي السكوبي بتاعة الكمبوتشا والسكوبي بتاعة شاي الجن اللي في الفيديوهين اللي فاتوا.
زي ما قلت قبل كدة ان صعب نشوف الكائنات الدقيقة من غير ميكروسكوب لكن سهل نشوف تأثيرها وتفاعلها ... دا اللي اتعلمناه في كورس المونتيسوري الكامل من 9-12 سنة.
الكائنات الدقيقة الضارة هي اللي بتسبب الأمراض ... لما نتعرف على الكائنات الدقيقة النافعة هنقدر نحمي نفسنا من الكائنات الدقيقة الضارة (منهج الصحة العامة من 9-12)
في الفيديو ... السائل دا هو خل التفاح!
الأم (الشيء الملظلظ اللي في الفيديو) مكون من بكتريا نافعة وخمائر بينهم علاقة منفعة متبادلة وعايشين في طبقة من السليولوز هم اللي بيصنعوها.
علشان "الأم" تشتغل وتحول سكر التفاح وعصيره لخل، محتاجة شوية سكر أبيض ومياه معدنية ومكان هادي وضلمة.
"الأم" دي أول ما جت لي كانت صغيرة أوي وبقالها عندي كذا شهر وتكاثرت كتيير.
التفاح لازم يكون متغطي تماماً بالمياه وإلا هيعفن.
بيتقلب كل يوم لمدة ولما التفاح ينزل للقاع يبقى ممكن نشيله. بعد شهرين هيبقى عندنا خل التفاح 🙂
التجربة دي اتعلمنا فيها عن النوع دا من العلاقات (المنفعة المتبادلة) وكمان شوفنا التكاثر .... binary fission
الخلية الأم (اللي بدأنا بيها) انقسمت اتنين نفس الشكل ونفس الحجم بالظبط ... وكل اتنين انقسموا فبقوا أربعة والأربعة بقوا تمانية ... المادة الملظلظة دي بقى هي سليولوز ... دا اللي البكتريا والخمائر عايشة فيه.
اتعلمنا كمان إن بعض الكائنات الدقيقة محتاجة سكر (غذائها) ورطوبة ومكان مظلم ودرجة حرارة معينة (الكمبوتشا بتحب أوي جو الصيف لكن ف حاجات تانية بتحب درجات حرارة أقل. خل التفاح بيحب درجة حرارة الغرفة المعتدلة).
علشان كدة أي نظام حياة صحي لا فيه سكر ولا كتمة 🙂
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”