رسالة من ولد: ماما بتلبس من غير هدوم

Date posted: June 19, 2010


 
 
 
هاي أستاذة مروة. أنا شاب أبلغ من العمر 16 سنة ولية أخت أصغر مني سنها 13 سنة.
 
وعايشين أنا وأختي مع ماما وبابا في مدينة نصر. بابا بيشتغل مهندس وماما سيدة بيت. ماما عندها 39 سنة, وطول عمرها بتلبس لبس محترم جدا. هي صحيح مش محجبة لكن لبسها على طول كان محترم جدا.
 
من سنتين تقريبا ماما حصللها تغيير غريب جدا. ابتدت تلبس لبس غريب. بقت تلبس بنطلونات جينز ضيقة جدا جدا لدرجة إني ببقى مكسوف وأنا ماشي معاها. مش كدة وبس ده كمان بقت تلبس لبس عريان جدا وجسمها بيتكشف في الشارع.
 
اللي مضايقني إنها مانعاني إني ألبس بنطلون ساقط زي اللي في سني علشان بتقول إنه عيب, وهي نفسها بتلبسه. اللي هو اسمه اللويست. ومش لوويست بس ده سوبر سوبر لوويست لدرجة إن مكان حساس أوي من جسمها بيتكشف في الشارع. سوري في الكلمة بس أصل حاجة تغيظ…
 
الموقف اللي ضايقني جدا من أسبوعين تقريبا كنا خارجين معاها أنا وأختي نشتري شوية حاجات وكانت ماما لابسة لبس سوري إني أقول عليه إنه لبس قذر جدا وعريان بطريقة ماحصلتشي ولا عمرها حتحصل نزلنا كلنا محل مفروشات ومش عايز أقول على اللي حصل من نظرات وضحكات وكلام مش كويس. من الآخر اتهزأنا تهزيء جامد.
 
بعدها روحنا أماكن تانية وماما خلتني أنا وأختي ننزل نجيب اللي عايزاه علشان مش قادرة تنزل من العربية علشان الناس بقوا قلالات الأدب على كلامها. مرة اتفقت أنا وأختي نكلمها في الموضوع ده وأختي كلمتها راحت ماما ردت وقالت إنتم المفروض تفتخروا إن مامتكم حلوة وجسمها حلو مش تتضايقوا وكمان باباكم موافق يبقى خلاص ومش عايزاكم تكلموني في الموضوع ده تاني.
 
مش عارف أقول إيه بس مامتي مسببالي إحراج جامد بلبسها الفاضح ومش عارف ناس بتقوللي هي حرة، وناس بتقوللي ده غلط، وناس بتقوللي ده عادي. وناس بتقوللي لازم تمنعها بأي شكل. لدرجة إن ناس بتقول كويس علشانها. بصراحة يا أستاذة مروة من كتر ما ماما بقت تتعرى جامد في الشارع بقيت أتمنى إنها ترجع تلبس جينز محزأ تاني زي أول ما غيرت ستايلها. أهو أرحم من العريان. مش عارف أنا غلطان ولا هي صح ولا إيه؟

————————————————

 

 
انا ما شوفتش مامتك فمش عارفة انت بتبالغ و لا لأ
 
لان ممكن فى السن بتاعك دا انك تغير على مامتك و على اختك كمان
 
لكن كل اللى اقدر اقوله .. انك مش هتعرف تغيرها
 
انت ممكن ترفض تنزل معها لو هى لابسة عريان
 
و ممكن تخلينى اكلمها عشان افهم منها
 
و ممكن تكلم باباك

 

————————————————

 

 
شكرا يا طنط مروة على ردك وعلى اهتمامك بمشكلتي
بالنسبة للمبالغة أنا مش ببالغ لإن لما ماما تنزل الشارع وجسمها عريان من كل حتة ما ببقاش ببالغ
يعني مثلا لما تبقى بطنها باينة خالص او ضهرها كله مفتوح او بنطلونها نازل جدا جدا وسوري باين حاجات عيب اوي انها تبان وكل الناس في الشارع يشوفوا الاماكن ده
والناس تبقى عمالة تضحك وتشاور وتتريق
والموقف اللي حكيته لحضرتك لما دخلنا كلنا محل واتهزأنا جامد
 
بالنسبة لنزولي معاها وهي عريانة فهي اللي بتطلب انزل معاها وما اقدرشي اقوللها لأ
وبكون مكسوف جدا
 
ممكن برضه سؤال
انا بشوف امهات كتار من سن ماما بيكونوا لابسين جينزات محزأة جدا جدا
ماما اول ما غيرت استايلها كانت كدة
هل لو كلمنا حد يقنعها تكون كدة اهو منها ترضينا شوية ومنها ترضي حبها للبس الكاشف
هل ساعتها يبقى برضه غلط لو ماما خرجنا معاها وهي لابسة جينز محزأ جدا بس جسمها يبقى متغطي
ولا ده برضه وحش؟
 
انا بكلمك من غير ماما ما تعرف ولا اختي كمان
لان ماما لو عرفت اني بقول الكلام ده حتموتني
وشكرا على اهتمامك بمشكلتي يا طنط مروة
 
———————————————————–

 

 

 
بص .. الناس فى بلدنا حشريين و مش بيعجبهم العجب و هيتكلموا هيتكلموا
 
لكن اهم حاجة ان مامتك تلبس اللبس المناسب فى المكان المناسب
 
يعنى لو رايحة مكان شعبى او فيه عمال يبقى تلبس واسع و بكم
 
و لو رايحة نادى و لا مكان شبه النادى يبقى الجينز الضيق دا ممكن يعدى
 
و لو رايحة فرح و لا عند ناس قرايبكم تلبس اللى تلبسه
 
فاهمنى؟
 
الموضوع انها لازم تبقى عارفة هى رايحة فين 
 
و بعدين انت ممكن تقول لها ان لو حد مد ايده عليها انت مش هتعرف تتصرف .. ما هو ممكن حد يطول ايده مش بس لسانه
و قول لها انك بتحبها و فخور بيها بس مش عايز حد يفهمها غلط
و خلى بابك يتكلم معها برده

 

———————————————-

 

هاي
ازيك يا طنط مروة
انا مش عارف أشكر حضرتك إزاي على اهتمامك بمشكلتي
بجد مش عارف
شكرا شكرا شكرا
الف شكر لحضرتك
 
بالنسبة للبس المناسب في المكان المناسب فللأسف ماما مش بتراعي كدة
بتنزل تشتري حاجة وجسمها معظمه عريان
بس برضه حضرتك بتقولي انها لو رايحة زيارة ممكن تلبس اللي هي عايزاه
برضه صعب
لان اولا ماما بتعري بشكل فظيع جدا
وثانيا لو حتى رايحة زيارة فالبواب او الجيران ممكن يشوفوا جسمها وهو عريان
صحيح ماحدش حيدايقها لانها من البيت للعربية ومن العربية للبيت التاني وبعيد تنزل تاني للعغربية وبعدين لبيتنا
ساعتها ممكن مش حيحصلها حاجة وحشة
بس برضه في ناس حيشوفوا اماكن في جسمها عيب انها تبان
 
عايز احكي لحضرتك عن موقف حصل النهاردة
النهاردة الصبح روحت مع ماما لدكتور الأسنان
هو في مدينة نصر
ماما كانت لابسة جينز ضيق جدا كالعادة
بس مش للويست ولابسة معاه بودي برضه ضيق
صدرها كان باين بس جسمها كان متغطي
الجينز والبودي ضيقين جدا جدا بس رغم الحر الشديد بتاع النهاردة
رغم كدة ما كانتشي مبينة غير صدرها بس
بعدين روحنا سوبر ماركت سبينس وقعدنا فيه اكتر من ساعة
اليوم عدى وماحصلشي حاجة خالص وماحدش ضايقنا
مش عارف انا شايف ان لبسها النهاردة كان ارحم بكتير من العريان اللي بتلبسه دايما
لدرجة اني قلت ياريت تستمر على الوضع ده وتنسى الفضايح المحرجة التانية
عايز اسئل حضرتك سؤال
هل حضرتك موافقاني على رأيي؟
يعني هل اللبس بتاع النهاردة ده تمام؟ ومناسب في مكانه خصوصا ان مافيش حد ضايقنا سواء في العيادة او في سبينس او في الشارع واحنا ماشيين فيه؟
يعني كدة تمام؟

 

——————————————

 

 
يا حبيبى مش انا اللى اقول تمام او مش تمام
 
انا برده مصرة انك لازم تتكلم مع باباك
 
هى ممكن تكون بتمر بحالة نفسة .. مراهقة متأخرة و لا أزمة منتصف العمر أو مشاكل هورمونات أو مشاكل شخصية بينها و بيت والدك
 
اصل اللبس بالنسبة لاغلب البشر عبارة عن
statement
 
كل واحد بيقول حاجة باختياره للبسه
 
مامتك ممكن تكون بتقول لباباك مثلا بص لى انا هنا
 
او ممكن تكون بتقول لنفسها انها لسة حلوة و صغيرة
 
او ممكن تكون بتقول لواحدة تانية تبعد عن باباك بالذوق
 
كل دا باللبس
 
و ممكن طبعا حاجات كتير تانية
 
لكن لو الموضوع بالصورة اللى انت بتقول عليها دى يبقى لازم تتكلم معها و مع باباك 
Bookmark and Share