زيرو مهارات
كلمتان ألخص بهما حالي بعد التخرج وبدء الحياة العملية … حالي الذي استمر تقريباً حتى الثلاثين من عمري. (الصورة: مروة رخا (23 سنة) مع القمر ياسمين عبد العزيز)
العشرينات
لقد كنت محظوظة جداً بالموجهين والمرشدين في أول عشر سنوات من حياتي بعد التخرج! ادرسي كذا! اقرأي هذا! سجلي في دبلومة كيت! تعلمي على يد فلانة! تحدثي مع علان! هكذا طفوت على السطح في العشرينات! لكنني شاهدت غرق الكثيرات والكثيرون ممن واجهوا الحياة مثلي بـ”زيرو مهارات”!
الثلاثينات
أما الثلاثينات، فكان الله حليفي! أطلقت على هذه المرحلة من حياتي اسم “هدية ربنا”! اكتشفت صندوق دفين بداخلي، مخبأ بعناية إلهية، لأفتحه رويداً رويداً! اكتشفت نفسي ككاتبة باللغة الإنجليزية في بداية الثلاثين، واكتشفت الكتابة بالعربية في نهايتها! اكتشفت كذلك متعة التدريس الجامعي، والتدريب، وبريق الظهور على التليفزيون وعمق التقديم الإذاعي! ثم أهداني الله أكبر هدية … آدم!
هدية ربنا
اثنا عشر عام من النمو والتطور – الكثيرات منكن كن شاهدات على الرحلة! أنمو وأطور من نفسي وفقاً لاحتياجات آدم والمرحلة العمرية التي نعيشها!
سيكمل آدم عامه الثالث عشر في أبريل! هكذا أنبتت بذرة “سلسلة تمكين اليافعين مع مروة رخا”! أريد أن أهديه باقة من الأدوات التي جمعتها على مر السنوات! كل أداة سلاح ضد وحش من وحوش أعماق الضياع والفشل والعدمية!
كيف؟
يقول الأطباء والناصحون أننا يجب أن نتجنب الضغوط! كيف؟
يعلن الأهل أنه على الأبناء كسب ثقتهم والحفاظ عليها! كيف!
ينصح الخبراء أننا يجب أن نتعلم ونطور من أنفسنا! كيف؟
يصرح الناجحون أننا يجب أن نستثمر في نقاط القوة؟ أين وكيف؟
يقولون أهم الشيء هو الوعي الذاتي؟ ماذا وأين وكيف؟
نطالبهم بمنع انتهاكهم وحماية حدودهم! كيف؟
نطالب أولادنا بالاختيارات الجيدة، والقيادة، والتحقيق المكاسب، وعدم إهدار وقتهم وطاقتهم! كيف؟ كيف وأغلب الناس أخذتهم وحوش الأعماق وحبستهم في زنازين الفقر وقيدتهم بسلاسل العجز!
لهذا قررت أن أشارك بناتكم وأبنائكم هذه الأدوات في أهم مرحلة من مراحل حياتهم قبل انطلاقهم في الحياة العملية – مثلي عندما كنت في مثل عمرهم بـ”زيرو مهارات”!
أدوات تمكين اليافعين مع مروة رخا
(للحجز ابعتيلي رسالة عالخاص)
أدوات تمكين اليافعين مع مروة رخا
سلسلة محاضرات مباشرة من خلال زووم. مدة كل محاضرة ما بين 45-60 دقيقة. مطلوب لابتوب (مش موبايل ومش تابلت) لأن المادة العلمية تطبيق تفاعلي.
السن: 13 – 19 سنة لكن كل أم أدرى بولادها … السلسلة محتاجة درجة من الوعي والعمق والتفكير.
ممنوع غصب ولادكم على الاشتراك! لو ولادكم مش عاوزين يحضروا قولولي ونتكلم في حلول – ممنوع إجبار ولادكم على الكورس بتاعي! مافيش تدبيس!
فتح الكاميرا أساسي … اللي مش هيفتح الكاميرا هيخرج من المحاضرة.
الحضور قبل المعاد بخمس دقائق. غير مسموح بالدخول بعد بدء المحاضرة.
تقدم السلسلة باللغة العربية وباللغة الإنجليزية. أرجوكم اختاروا اللغة اللي ولادكم بيفهموا ويستوعبوا ويعبروا بيها! اسألوهم وخلوهم هم اللي يختاروا! دا مش مجال لتقوية اللغة الإنجليزية ولا مجال للحفاظ على اللغة العربية!
(لو أنت معلمة وعاوزة تشتغلي مع ولادك ابعتيلي رسالة عالخاص) – حالياً الاختيار دا متوقف.
(العدد محدود للحفاظ على التفاعل)
الدفعة الأولى (ثلاث مجموعات) بدأت: يوم السبت 16 مارس وانتهت بعد خمسة أشهر. مطلوب الالتزام بالحضور حتى في أوقات الامتحانات والمصايف والذي منه لتحقيق الاستفادة المرجوة.
الدفعة الثانية في أكتوبر ان شاء الله. سعر الاشتراك ٣٠٠٠ جنيه.
نعمل إيه لو ولادنا رافضين يشتركوا؟
إزاي نقنع ولادنا وبناتنا بالكورس بتاعك أو أي كورس؟
دا أكتر سؤال جالي تعقيباً على كلامي امبارح! (هعيد الكلام في نهاية البوست)
الرد:
أولاً: خلوهم يقروا الكلام اللي جاي دا!
ثانياً: للأهل،
* ربنا ما خلقش إنسان مطفي أو فاقد الشغف والفضول … الإنسان دا نتاج بيئته وحياته!
* ولادنا = المستقبل … يعني الدنيا مفتوحة قدامهم … يتعلموا ويطوروا من نفسهم ويحلموا ويحققوا أحلامهم ويقعوا ويقوموا … يعني ما ينفعش نتعامل معهم على أنهم فشلة … صيع … ضايعين … مافيش منهم رجا!
* اللي هم فيه حالياً مرحلة وهتعدي … الحمد لله أنها هتعدي لأنها مرحلة زي الزفت! أسوأ ما فيها أنهم لا يملكون حق تقرير مصيرهم في أي حاجة!
* جوجل: نصائح عملية وسهلة، بدون مصاريف، لتقوية العلاقة مع ولادنا واتفرجوا على الفيديو واتغيروا علشان هم يتغيروا!
ثالثاً: اسألوهم،
* هل أنتوا سعداء في حياتكم؟
* هل راضيين عن شكل علاقتنا؟
* لو هغير حاجات فيا كأم أو أب، هتكون إيه؟
* هل حاسين بالحب؟
* ممكن أعمل إيه علشان تكونوا مبسوطين؟
* ممكن أبطل أعمل إيه أو أقول إيه علشان ما تتضايقوش مني؟
اسمعوهم والحقوا العلاقة والحقوهم قبل ما يضلموا خالص!
رابعاً: بخصوص سلسلة تمكين اليافعين أو كورس زيرو مهارات،
* خلوهم يقروا المقال (اللي فيه صورتي مع ياسمين عبد العزيز)
* خلوهم يقروا السكرين شوتس اللي في ألبوم الصور اللي جوا المقال
* كمان يشوفوا شروط الانضمام (مكتوبة بالأحمر جوا المقال)
* اسألوهم لو حابين ينضموا … لو قالوا لأ، يكون الرد:
“أنا هحترم رغبتك! من حقك تختار! لكن مروة … اللي عاملة الكورس عاوزة تعرف لأ ليه … لو عندك أسئلة … مخاوف … أسباب … هي مهتمة تعرفها وهترد عليك بنفسها وفي الأخر القرار ليك!”
للأهل تاني … افتكروا إن مافيش حد بيتعلم غصب عنه! مافيش حد بيستفيد ومخه وقلبه مقفولين … مافيش حد تعيس هيبقى مقبل عالحياة وعنده رغبة في تنمية أي حاجة فيه!
أنا في صف ولادكم … أنا صوتهم اللي أنتوا مش سامعينه … الغلطة مش في الطفل … الغلطة في الطريقة اللي هو عايش بيها والطريقة اللي بيتعامل بيها.
للأهل برده: قبل ما تزعلوا مني … مش الهدف أني أضايقكم … الهدف أن علاقتكم بولادكم تتصلح … إن ولادكم ينوروا … إنكم تحافظوا على هدية ربنا! كلنا بنغلط لكن المهم نتعلم من الغلط علشان نكون ناس أفضل وأنضج.
بوست امبارح:
رسالة للأهل: ممنوع غصب ولادكم على الاشتراك! لو ولادكم مش عاوزين يحضروا قولولي ونتكلم في حلول – ممنوع إجبار ولادكم على الكورس بتاعي! مافيش تدبيس! من حقهم يقبلوا ومن حقهم يرفضوا … يقلقوا … يخافوا … يبقى عندهم أسئلة … أنا هنا علشان أطمنهم!
كل مرة بتغصبوا ولادكم على حاجة باسم “المصلحة”، بيفقدوا الثقة فيكم وبتزودوا صف طوب كامل في الحاجز النفسي ضد العلم أو المعرفة أو تطوير الذات!
ربنا ماخلقش عيال مطفية!
لتفاصيل أكتر، سيبوا تعليق أو ابعتوا رسالة عالخاص!
#سلسلة_تمكين_اليافعين_مع_مروة_رخا
TeenEmpowermentToolswithMarwaRakha#
عناوين المحاضرات
- تأثير الأفكار على الواقع
- نقاط القوة
- الوعي الذاتي
- تصنيف الاختيارات والقرارات
- مناطق السيطرة
- فهم الحدود
- ترتيب الأولويات
- الحفاظ على الثقة
- حل المشكلات
- الريادة
- التفاوض
- صد الانتهاك
- التعبير عن الرفض
- أريد أن أكون …
- أداة اكتساب أو تغيير العادات
- السبع عادات للناس اللي بتجيب من الأخر
(للحجز ابعتيلي رسالة عالخاص)
ألبوم الصور دا مهم جداً
الدفعة الثانية في أكتوبر ان شاء الله. سعر الاشتراك ٣٠٠٠ جنيه.
You must be logged in to post a comment.