واحدة بتكره صوتها

Date posted: March 4, 2010


 
 
 
مشكلتي في الثقه بالنفس لما اريد ان اطلب شي صوتي بيرتعش واريد اعيط (ابكي ) وما ادقدر اطلب بحقي
ارجوكي يا مروه ساعديني
 
—————————————————– 
 
طيب دى نقطة سهلة … و صعبة فى نفس الوقت
 
حلها
 
انك تشترى جهاز تسجيل
 
و تجيبى كتاب
 
و تسجلى اجزاء من الكتاب بصوتك
 
و توقفى التسجيل و تسمعى اللى انتى سجلتيه
 
الاول هتتخضى من صوتك و هتكرهى عيشتك
 
و بعدين هتبتدى تتعودى
و بعدين مطلوب منك انك تبتدى تنتقدى الصوت اللى انتى سمعاه
 
واطى؟
متقطع؟
بيترعش؟
مخارج الألفاظ مش واضحة؟
حروف معينة مش باينة؟
 
و تبتدى تصلحى لنفسك و تسجلى تانى .. و تسمعى .. و تصلحى … و تسمعى .. لحد ما ترضى عن اللى انتى سمعاه
 
لما ترضى عن اللى انتى سمعاه هتثقى فى نفسك و فى صوتك
Bookmark and Share