زوج و اب يرفض المسؤولية

Date posted: November 3, 2009


 

 

السلام عليكم ازيك يا مروه انا شفتك النهرده مع نشوي وعجبني كلامك ودورة علي موقعك وحبيت احكيلك مشكلتي
انا متزوجه من سنتين وكنت اعرف زوجي من اكثر من 10 سنين قبل الزواج لاننا كنا مع بعض في الكليه بس كانت صداقه واخوه وكنا بنشوف بعض كل شهر او كل مده طويله في الكليه خلال السنين العشره وكان بشتغل في توزيع منتجات وكنت اعلم ان فيه عيب هو انه بينام طول اليوم ويسهر طول الليل يعني ممكن ينام الساعه 11 او12 الصبح يصح 11 باليل المهم جتلي فرصة سفر لدبي ولما عرف اقنعني انه بيحبني وانه عايزنا نتجوز وفعلا لاني كنت بحترمه وبعزه قولت زي كل البنات الجواز احسن من السفر والبهدله وبعدين ممكن اقنعه يسافر معايا لكن اكتشفت بعد الجواز عيب خطير او يمكن يكون خطير من وجهة نظري انه معندوش طموح خالص وانا عكسه تمام شعله من النشاط والافكار الجهنميه والعلاقات اللي ممكن تكسبنا دهب ومنها فرصة عمل في شركة اتصالات دبي بمرتب خيالي لكنه رفض واتححج بححج غير مقنعه رغم ان مستوي المرتب هنا لا شيء وقولت يمكن بعد الجواز و المسؤولية يتغير وفضلت احاول معاه لكن للاسف بسبب كسله الشديد بعد الجواز تداينا بمبلغ كبير حوالي45 الف جنيه وانا حملت وانجبت والد وهو زي ما هو مبيحاولش غير ان يحل المشكل بمشكله اكبر انه يبع الشقه او يستلف انا حاليا مش عارفه اعمل معاه ايه كل مره اقول يمكن لما المسؤوليه تزيد يحس اني لازم نتحرك وندور علي فرص احسن لكن هو مدام معاه فلوس يعيش بيها النهرده مش مهم بكره يجي ازاي وطبعا انا مش كده خالص انا من الناس اللي بتخطط ل10 سنين قدام انا جاديا بفكر في الانفصال ومش عارفه اعمل ايه جتلي فرصة سفر تانيه وبحاول اقنعه بس رفض والغريب انه وافق علي سفري لوحدي ومش عارفه اعمل ايه ارجو منكي الرد وبسرعه

——————-

سافرى
انت بتنفخى فى قربة مقطوعة
هو كدة و مش هيتغير و مش فارق معاه يتغير
احساسه بالمسؤوليه منعدم
و اكيد لو رجعتى لايام زمان بالذاكرة كنت هتلاقيه كسول و متواكل برده ايام الكلية
هو عايش بعقلية الصنايعى محدود الرؤية … اصرف ما فى الجيب … و مش مهم الولد و مستقبله و البيت و احتياجاته و الجواز و استقراره
Bookmark and Share