رد صوتى: احنا بنشترى راجل

Date posted: April 24, 2009


 

انا عمرى 25 سنة و بحب واحد عمرة 23 بس عمرى ما حسيت انو اصغر منى، فى البداية اتعرفنا على بعض عن طريق الشغل فضل يجرى ورايا 6 شهور وانا كنت رفضا انى ارتبط فى الوقت ده المهم فضل ورايا لحد ما بائينا مع بعض و اتعلقنا ببعض و بعد فترة لاقيتو متغير و لما سألتو مالك قالى انو مش عايز علاقتناتفضل من غير حاجة رسمى هو عايز يبقى فى ارتباط رسمى بس هو عندة مشكل هى بالنسبالى مش مشكلة .. مشكلتوا يعنى ان هو ظروفوه المادية مش كويسة خالص و كمان هو بيصرف على مامتو و اخواتة البنات لان بابه متوفى و معندهومش مصدر دخل غير مرتبة هو و بس و هو من ناحية شغلة كويس و مرتبة كويس يعنى مكفى اهلة و دة اللى عجبنى فى انو و هو فى السن دة و ناجح فى شغلة كدة و شايل مسؤؤلية كبيره قوى علية… هو بقى متردد انو يخش غى ارتباط عشان خايف انو لما يتكلم مع اهلى فى حاجة مايقدرش يعملها و بيقولى انو مش عايز منظرو يطلع عيل قدامهم و خصوصا ان دلوقتى الازمة الاقتصادية فى البلد مأصرة على شغلة و خايف ان شغلة الاى هو مصدر كل حاجة بالنسبالو يتأصر فا بيقولى فى الظروف دى و اللى انا و اهلى مهددادين بالخطر فيها اخش فى ارتباط تانى معاكى ازاى..

بس انا قولتلو مش مهم انا مش عايزه منك حاجة غير انك تتكلم مع ماما و دبلتين و خلاص عشان طبيعى انا بنت و ماما عايزة تجوزنى باى شكل و طبعا فى الفترة اللى انا كنت معاه جالى كذا عريس و انا كنت برفض..
مع العلم ان اهلى مش هايعترضوا ابدا على ظروفة و انا قولتول كدا بس هو متردد بيقولى انى تفكيرى طايش بيقولى عشان بقولو انو ييجى يخطوبنى من غير ما يكون عند ولا شقة ولال هيجيب شبكة و مش عارف كمان هيقدر يعمل كل دة امتى بيقولى مينفعش اجى الهلك و اقولهم انا بحب بنتوكو بس انا معنديش ولا حاجة و كل حاجة حين ميسرة يعنى

انا كل اللى عايزه انو ييجى يتقدم و نتخطب سنة و لو الدنيا مشيت يبقى الحمد للة لو ما مشيتش يبقى اسمنا حاولنا مش استسلمنا للظروف. انا عايزة رأيك هل انا تفكيرى طايش فعلا و لا اية ؟ 
انا بفكر بقلبى و مشاعرى قوى و هو بيفكر بعلقة اكتر بس دى طبيعى الرجالة المهم عايزاكى تقوليلى اعمل اية و اسفة انى طولت عليكى….

اضغط على شريط الاستماع لمعرفة ردى

Get the Flash Player to see this player.

 

Bookmark and Share