بعض شهادات الحضور (3) – كورس المونتيسوري الكامل من الميلاد حتى ثلاث سنوات

أكتر كورس قريب من قلبي هو كورس المونتيسوري الكامل من الميلاد حتى ثلاث سنوات لأن المرحلة دي في رحلتي مع آدم كانت مميزة جداً وتعتبر أنجح مرحلة في تجربة الأمومة.

لأن أنا مدركة أهمية المرحلة العمرية دي في حياة الطفل، بتمنى أي حد بيفكر في الخلفة ياخد الكورس دا.

دي المرحلة اللي بتكون نظرة الطفل للعالم الخارجي وبداية جسر الثقة بينه وبين أهله وأول رصيد في حساب الأهل لدى الطفل والبداية الصح لمهارات الطفل الحركية والعقلية والاجتماعية واللغوية ومهارات الاستقلال والاعتماد على النفس والعناية بالبيئة ومهارات الاستكشاف الحسي (باستخدام الحواس كلها)

* في عالم مثالي، الكورس المفروض يتاخد قبل الحمل علشان الإنجاب قرار واعي والمفروض اللي ياخد قرار يقدر مسؤولية القرار دا.

* في عالم واقعي شوية، المفروض الكورس دا يتاخد أثناء الحمل علشان دي فرصة للاستعداد النفسي للرحلة القادمة، وعلشان بعد الولادة بيكون لا في وقت ولا تركيز.

* في عالمنا العادي واليومي، الكورس دا ممكن يتاخد في أي وقت مادام الطفل أقل من 3 سنوات.