أنا بحب أمهاتي وبحب ولادهم - اللي هم أحفادي. بفرح لما بلمس حياتهم وقلوبهم. بفرح لما يتعلموا حاجة جديدة ... لما يساعدوا ولادهم ... لما يغيروا عادة مش سليمة ... لما يكسروا دايرة العنف والإيذاء ... بفرح لما ألاقيهم في أكثر من كورس عندي ... بفرح لما يشاركوني لحظات مضيئة مع ولادهم ... فخورة بيكم وبكل محاولاتكم للتغيير.
كلام من القلب: عن كورس المونتيسوري الكامل من 3-6 سنوات
مرحلة 0-6 سنوات مهمة جداً في تكوين شخصية الطفل ومبادئه ومعرفته بالصح والغلط وعلاقته بأهله ونظرته لهم وثقته فيهم. مرحلة من 3-6 سنوات تحديداً، للأسف فيها عك مجتمعي كتير وكبير. توقعات الأهل والقائمون على رعاية الطفل عموماً مش متوافقة نهائي مع نموه الطبيعي وتطوره العقلي والنفسي. مثلاً توقعات الطاعة، الجلوس وعدم الحركة، التمييز البصري، القراءة، الكتابة، والتعليم عموماً. للأسف الأخطاء في مرحلة 3-6 بتأثر سلباً على الطفل وثقته بنفسه واحترامه لأهله وتقبله للتعليم. فاتورة تقيلة جداً هيفضل الطفل والأهل يدفعوا ثمنها سنين وسنين. فهم خواص المرحلة ونمو الطفل العاطفي والنفسي والعقلي هيساعدكم تعرفوا إيه الطبيعي وإيه اللي مش طبيعي. الخرافات كتير والعرف والسائد ياما ظلم أطفال. دي أهدافي من الكورس بتاع 3-6 سنوات. بالإضافة لنمو الطفل وفلسفة المونتيسوري، الكورس بيقدم أنشطة رائعة في 5 أركان: الحياة العملية: دي خاصة بالاستقلال والعناية بالنفس والبيئة. دا مقال مفصل عنها وعن أهميتها أنشطة حسية: يتعلم الطفل تمييز الأطوال والأقطار (قطر الدائرة) والوزن والعرض ودرجات الصوت والحرارة وتدرج الملمس الناعم وغيرها من الخواص من خلال التركيز على كل خاصية منفردة. أنشطة الثقافة والعلوم: الأنشطة دي حجر الأساس للتاريخ والجغرافيا وعلم النبات وعلم الحيوان والتجارب العلمية. كلها من خلال التفاعل مع الأدوات - مافيش حفظ والكلام دا. أنشطة اللغة: دي أنشطة متدرجة وكلها من خلال اللمس والتفاعل مع الأدوات من أول تعليم الأصوات في بداية ونهاية ووسط الكلمات، أصوات الحروف، أشكال الحروف، الكتابة، والقراءة. دا اجتهادي في العربي ودا شغل الانجليزي. أنشطة الرياضيات: دي أنشطة متدرجة وحسية برده. بتوصل بالطفل من أول التعرف على الكميات ورموها مروراً بالنظام العشري إلى الجمع والطرح والضرب والقسمة - كله أدوات وفهم حقيقي ... مافيش صم! وطبعاً تجارب علمية ورحلات تعليمية علشان الكورس فعلاً يكون مفيد. اقروا دا قبل ما تفكروا تشتروا أدوات ودا عن مدرسة آدم المنزلية وفي صور الأدوات. أعلم طفلي إيه من 3-6 سنوات؟ هل صح أعلمه الحروف والأرقام والكتابة؟ هل هو صغير ومش هيفهم تاريخ وجغرافيا وعلم نبات وعلم حيوان؟ هل هو صغير ومش هيقدر لا يرتب ولا تنظف ولا يراعي نفسه وبيته؟ أعمل معاه إيه؟ أخلص من الزن إزاي؟ نقضي اليوم في إيه؟ هو الطفل أصلاً في السن دا ... من ثلاث لست سنوات ... بيتعلم إزاي؟ بالحفظ؟ بالتكرار؟ بالزعيق؟ بالغصب؟ أكيد في طريقة أفضل من كدة!
المونتيسوري .... دي إجابة كل ما سبق من أسئلة! يعني إيه مونتيسوري؟ يعني الطفل بيتعلم من خلال بيئة غنية ثرية وأنشطة معتمدة على اللعب والتفاعل واللمس ... بيتعلم بحواسه كلها ... بيتعلم لما يسأل ... هيسأل لما يكون في بيئة ثرية ... هيمتص العلم وهو مش حاسس. كورس المونتيسوري الكامل من 3-6 سنوات .. أونلاين ... مسجل صوت وصورة علشان الجودة .. هتشوفوا الأنشطة وتفهموا نمو الطفل وفلسفة المونتيسوري والمشكلات السلوكية الخاصة بالمرحلة دي. ليه مافيش مواد منفصلة في كورس 3-6؟
فيديو: التدرج في تعليم الطفل الكتابة
ما هي تفاصيل كورس المونتيسوري الكامل من 3-6 سنوات؟
