بعض شهادات الحضور (4) – الكورس اللي أهم من المونتيسوري

في يوم من الأيام قررت أفتح قلبي وأحكي...
أحكي الوحش قبل الحلو...
أشارك الضعف قبل القوة...
أمد إيدي لكل أم ببتشدها الدوامات لقاع المحيط...
في قاع المحيط بيغمرها اليأس...
بينهشها وحش الخوف القابع في أعماق المحيط...
راكبة مراجيح الذنب...
متلطمة ومش لاقية نفسها...
مش مستمتعة بأمومتها...
بركان الغضب بيثور في أعماق المحيط ... الحمم تحرق قلبها...
ينحسر حنانها...
تتعرى صخورها...
تنزف وتتألم في صمت ... خوفاً من اللوم ... التأنيب ... الشماتة!
أنا حاسة بيها ... أنا كنت هناك ولقيت المخرج...
لسة شغالة على نفسي...
قررت أحكيلك كل حاجة... هساعدك على قد ما أقدر...
ودي كانت بداية "الكورس اللي أهم من المونتيسوري"