fbpx
مونتيسوري مصر- تقدمها مروة رخا

رد يهم كل شاب أو شابة حساسين بزيادة

 
 
 
أنا مشكلتى إن أى حاجة حتى لو صغيرة بتأثر فيا.. لو حد بأحبه مثلا وبعد عنى بأتعب أوى لو حد قالى كلمة ضايقتنى تأثر فيا جدا.. ناس كتير بتقولى انى حساس زيادة عن اللزوم.. نفسى اتعلم ابقى بارد.. ودايما بيبقى عندى حنين للماضى افتكر ذكرياتى مع ناس بعدت عنى وكل ما افتكر بتصعب عليا نفسى وبتصعب عليا الايام الحلوة اللى قضيتها مع الناس دى حاسس انى مش عارف افكر فى اللى جاى او بأفكر فى اللى راح أكتر من اللى جاى..ممكن حضرتك تفتكرينى بنت.. أنا ولد على فكرة وعندى 22 سنه
 
———————————————–

 اهلا وسهلا بيك

زمان اول لما ابتدا الناس يصنفوا الشخصيات المزاجية قالوا ان فى شخصيات نرجسية و دول شخصيات انانية و متخيلين ان الشمس بتدور حواليهم و مش شايفين غير نفسهم
و فى الشخصيات اللى بتعانى من البرانويا و دول الشك فى نفسهم و اللى حواليهم سبب تعاستهم
و فى الشخصيات المهووسة .. المهووسة بالشهرة او بالمال او بالجمال او بالسلطة او بأى حاجة تانية بتحولهم لعبيد للحاجة دى
و فى الشخصيات الهستيرية و دول المتقلبين تقلبات حادة و عنيفة و تعبيرهم عن الحزن او الفرح بيكون مبالغ فيه
و فى الشخصيات المناخولية

 

 

 
Melancholic
و دول ناس غاوية شجن و حنين و مودها مائل للكآبة و رثاء الذات
 
انت من النوع دا
 
الشخصيات اللى انا وصفتها دى سببها خلل فى كيمياء المخ المسئولة عن اعتدال المزاج
 
لو الخلل جامد يبقى لازم تدخل دكتور امراض نفسة و عصبية
 
لو الخلل بسيط ممكن الانسان يقوم الخلل دا بمجهود ذاتى
 
يعنى مثلا
 
تجنب الحاجات اللى بتسبب الحالة المزاجية دى
 
تجنب الافلام الرومانسية الكئيبة
تجنب اغانى الحب و البكاء على الأطلال
تجنب صوت العود و الآلات الموسيقية المشابهة
تجنب الشخصيات الكئيبة
 
و كتر من البهجة فى حياتك
 
ضوء النهار
الأغانى المبهجة
الافلام الكوميدية
النكت
الاصدقاء المرحين
الرياضة – و دى مهمة جدا
التواجد حول الاطفال – دا عامل مساعد بدرجة كبيرة
الشغل و تحقيق الذات
العمل التطوعى
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”