انا لسه خاطب من شهرين ومسافر بره
ومكنش ليا اى تجارب قبل كده
وهى دى مشكلتى فى الحياه
انى مش جريئ قوى بالقدر الكافى
وفى نفس الوقت انا مش قادر اوصل لقلب خطيبتى
ومش عارف اتصرف بحاول على اد ما اقدر بس انا جيب اخرى خالص ومش عارف اعمل ايه ولا اقول ايه
وفى نفس الوقت خايف تضيع منى ومش عارف انا كده صح ولا غلط ولا عادى ولا انا مختلف عن الناس
انا ممكن اسال واحد صاحبى خاطب وهو بيكلم خطيبته
بيقولى انه ممكن طول المكالمه يقولها وحشتينى وخلاص وانا بقول اكتر من كده بس هى حاسه انه قليل وارجو عدم نشر رسالتى لو سمحتى
—————————-
انت زى الفل و ما فيكش حاجة
انت بس محتاج تنسى شوية انها انثى و انك ذكر
و اتعامل معها على انكم اتنين بيشتركوا فى صفة الانسانية
انت يمكن مالكش خبرة مع البنات
لكن ليك خبرة فى التعاملات عموما
فى البيت
و المدرسة
و الجامعة
و الشغل
و الاصدقاء
اتكلم معها زى ما بتتكلم مع الناس
انسى حاجز اختلاف النوع دا و انت مشكلتك تتحل
انا هانشر المشكلة لانها مكررة جدا جدا
و ما حدش هيعرف انت مين
