انا تعبت يا مروة معاه 5 سنين وحاسه انى من حقى ارتاح بقي نفسي تبعتيلى تقوليلى افاتحه ازاى فى الكلام اللى هو كان قالهولى قبل كده اللى هو لو اتقدمتلك اهلك يوافقو على
فرق السن عشان هو 31 وانا20
انا مش عايزة اسمع من صحباتى حاجه انا بسألك انتى عشان انتى حد فاهم كويس وفى نفس الوقت يا مروة نفسى افاتحه فى الموضوع بطريقه متضرش كرامتى انا حاسه انى شخصية سلبية ومبعرفش اعمل اى حاجه فى اى حاجه
_________________________________________
بصى يا مشمشة
كرامتك مش فى انك تفضلى ساكته و متعلقة زى البيت الوقف
كرامتك مش فى انك تبقى مش عارفة راسك من رجليكى
فكرة ان انتى تسأليه مباشرة مش هتضر كرامتك .. بالعكس .. البنت اللى فعلا عندها كرامة ما تقبلش الكلام المايع و المواقف اللى ما لهاش لون
لو عندك كرامة فعلا … هتساليه مباشرة .. يا فلان .. احنا مع بعض من كذا سنة و انت فى مرة قلت كذا و انا دلوقتى عايزة اعرف راسى من رجليا .. انت عايز منى ايه و ناوى على ايه؟
كدة بالظبط! هى دى الكرامة اللى بجد
