مروة رخا على روتانا كافيه وثانوية عامة ولخبطة عاطفية ومواضيع تانية

احباط ثانوية عامة

الحبيب مات و الخطيب مشغول و صاحب المرحوم معجب و البنت متلخبطة

انا ليا واحد صاحبي كان بيحب واحده جدا لكن هو عارف انها مش من مستواه مش المادى بس ده كمان المستوى الفكري والاجتماعى وكمان ف المظهر العام لدرجه انه كان بيتكسف لما كان بيقول لحد انه بيحب البنت دى… بصراحه هى بنت رخمه وشايفه نفسها بس هو قال انها غير كده ف الاول مكنتش قادر اقول له انها مش لايقه له لكن جت فترة الامتحان ومكنش عارف يذاكر كانت البنت كل شويه تتصل بيه وتلاعبه كان نفسه يسمع منها كلمه بحبك لكن هى كانت بترفض تقولها وكانت بتتهرب من الكلمة دى لدرجه انه معرفش يذاكر وحل وحش اوى ف الامتحانات ولما قربت النتيجه تظهر خاف من النتيجه علشان السقوط فسافر على شرم واشتغل هناك واتبهدل خالص لكن اللى يغيظ اكتر انه كان المرتب بتاعه كان بيشحن بيه كله الموبايل ويقعديكلمها طول الليل وظهرت النتيجه وسقط فعلا بس هى نجحت وبعدين بالصدفه عرفت ان البنت دى بتحب واحد تانى اكبر مننا وكانو متفقين ع الجواز لكن حبيبها ده خطب وفى الخطوب بتاعته راحت الحفله ورقصت معاه بشكل استفز كل الموجودين وبعد اسبوعين حبيبها فشكل الخطوبه انا بصراحه مرضيتش اقول لصاحبي ع الموضوع ده علشان ميزعلش وبعدين بعد فترة صغيرة جدا لقيته زعلان جدا وبيقول ان حبيته دى اتخطبت لواحد تانى خالص غير اللى كان خطب ف الاول وقالت له انها مجبورة ع الجوازة دى فصاحبي راقبها وهى بتشتري الشبكه وشافها كانت فرحانه جدا وبتهزر مع خطيبها الجديد صاحبي اكتأب جدا بس كان لسه بيحبها قوى حبيت اكرهه فيها فقل له انها كانت بتحب واحد اللى حضرت الخطوبه بتاعته لكن هو زعل منى انى مقلتش له فى الاول واتصل بيها قالت له ان الراجل ده كان طلب منها ترقص كده علشان يفشكل خطوبته وللاسف صدقها وهو لغايه دلوقتى مكتئب جدا وبطل ياكل وهاري نفسه سجاير لغايه م بقى هيكل عظمى ومصمم انه لو اتجوز هيسمى بنته على اسمها وحاله كل يوم بسوء كتر وابوة بيتخانق معاه لانه فاكر ان ضعفه ده من المخدرات ياريت يا مروة تقولى لى اى حل اعمله علشان انقذه من اللى هو فيه

Produced by E Producers

2

3