مروتي انا اول مرة ابعت مشكلة وبجد انتي تحفه في ردودك بحس اك بجد اختي لاني معنديش اخوات وانتي بجد انسانه بسيطه ومتواضعه ربنا يسعدك طول حياتك عاوزه رائيك في مشكلتي والي هتقوليه هعمله
انا منتقبه من 7 سنين وعائله رفضه مهم انا مرتاحه بس الايام ده مشاكل علي نقاب وبالذات انا في رابعه جامعه واضطريت ان اقلع نقاب اثناء الامتحان علشان امتحن وكنت مكسوه جدا وحسه اني مش لبسه هدومي وده امتحان نظري يعني كل باصص في ورقته اما امتحان عملي بقعد فيه اكتر من 5 ساعات وبتحرك في معمل ولازم اكون خلعاه وده هيطبق ترم جي وده حاجه صعبه اووووووووي بالذات انا مشهورة بين دكتري وزميلي لاني متفوقه وكدا وفي بيت بيزعقوا وعوزني اخلعه علشان جواز وكلام الي انتي عرفاه ده وفي شغل لما اتخرج طبعا لازم نقاب يتقلع اثناء شغل والبسه وانا خرجه كدا بقي ايه لزمت نقاب اما كل شيفني ومش بلبسه غير في شارع بس وكمان قريت تعليقات ناس علي نت وفي تليفزيون لقتهم كتير اوي كرهينه واي مكان اروحه احس اني اتعامل معامله غريبه وانا بنت وكمان لبسي كله فواتح وشيك يعني مش مسوداها علشان ناس تتصرف كدا معايا انا استخرت ربنا ان اقلعه واستريحت علي قرار ده وسالت في الازهر وقالووا عادي لانه سنه بس زميلي بعض منهم قالولي لا ومتعمليش كدا واستحملي بس محدش حاسس بيه ولا متخيل موقفي وفكرت لو قلعته شكلي هيبقي ايه في كليه ومع زميلي ودكتره هكون مكسوفه اوي ومعرفش بقي الاراء هتكون ايه وتعليقاتهم وخايفه اعمل حاجه واندم عليها معلش انا اسفه اني طولت بس ارجوكي تقوليلي حل وتريحيني من حيرتي
________________________________
أهلا يا حبيبتى
أنا مش هاتكلم باسم الدين و لا فى الدين لان دا مش مجالى
لكن انا كل همى هو صدقك مع نفسك و وضوحك قدام مرايتك
لو انت من جواكى مقتنعة انك عايزة تكشفى وشك و لو انت من جواكى عايزة تعملى كدة و السبب الوحيد اللى مانعك هو خوفك من الناس و كلام الناس و تعليقاتهم يبقى كدة انت بينك و بين النفاق الاجتماعى خطوة
اما لو انت لسة من جواكى متمسكة بالنقاب و مش عايزة تقلعيه و دا عن قناعة و ايمان بفكرته يبقى تخليكى لابساه
من الاخر انا باقول لك خرجى الناس من المعادلة و قررى انت عايزة ايه و مقتنعة بايه
