انا عندى25 سنه ومشكلتى انى كل ما ارتبط بواحد مهما كان بيحبنى بحس انه بيهتم اكتر حاجه بشكلى وخصوصا جسمى لدرجه انى بحس انه بيتسلى بيا وبضطر اسيبه ودى اتكررت اكتر من مره مع كذا شخص مع انى محترمه ومش بعمل اى حاجه وحشه ولا حتى بالكلام بس اعمل ايه ربنا خلقنى جسمى حلو وزى ما بيقولو ….مزه …. مروه انا كرهت
نفسى وكرهت جسمى نفسى الاقى واحد يحبنى من غير مايقوللى انتى جسمك حلو ومزة
_______________________________
انتى عندك ايه تقدميه للراجل غير جسمك؟
ليه كلهم مش شايفيين غير جسمك؟
جسمك هو اكتر حاجة انت فخورة و معتزة بيها و انت حابة فكرة المزة علشان كدة هى دى بطاقتك الشخصية .. مزة
اكتبى عليها مفكرة و لا قارئة و لا موهوبة فى كذا و لا طباخة و لا متفوقة و لا دحاحة و لا رياضية و لا خدومة و لا طموحة و لا اى حاجة انتى عايزاهم يشوفوها فيكى
لو عايزة الولاد يغيروا نظتهم ليكى لازم انت الاول تغيرى نظرتك لنفسك
انتى بقى شايفة ايه فيكى غير موضوع المزة دا؟
