انا كنت مخطوبه و فضلنا سنتين مع بعد و بعدين سبني عشان مش قادر يكمل تعب من المسئوليه طبعا انا اتصدمت و تعبت اوي بس عشت حياتي عادي حاعمل ايه يعني شغل و بيت و اصحاب وكنت بكلم ولاد عادي و ممكن اخرج و كمان اشيش من الزهق و كنت احب اعيط بليل من الهم
في يوم اقبلت واحد وده بعد حوالى 7 شهور حسيت بيها شويه و هو كمان المهم قالي انه حساش حاجه من ناحتى
قولتله انا كمان بس ساعته قالي
انه مش عنده استعداد لحاجه رسمي لانه لسه ماخلص دراسه و لسه حيشتغل هو اكبر منى بسنه وانا عندى 23 سنه انا وافقت لاني انا كمان لسه بعمل دبلومه و ادمي سنتين عقبال ما اخلص كمان في حاجه هو من القاهره وانا من اسكندريه دي كمان مشكله من وجهه نظره عشان مش حيعرف يشوفنى كتتر
جالى اسكندريه و اقعد يومين كنت مبسوطه جدا و خايفه جدا اني اثق فيه علي الفاضي و انجرح تانى
وفعلا بعد ما رجع القاهره بيومين قالي فى مشكله انه مش حاسس حاجه من ناحيتى انا اعدت اضحك ضحك هستيري بس كمان عيات كتير اوي مش عشان مجروحه بس عشان صدقت راجل تانى
و بعدين رجع كلمنى تاني و قالى متزعليش قولتله اصلا مش زعلانه و رجعنا نتكلم كصاحب بس
بس انا مش مرتاحه انا بجد تعبانه اوي نفسى يقولى نرجع تانى و مش عارفه اعمل ايه
بجد بعيط كل يوم من الهم الكبير انا حاسه بالوحده اوي
في حاجه عايزه اقوهلك هو دايما بيفكر في الحاجات السافله بس مش سافله اوي يعني بوس مثلا
كمان انا قولتله مش حكلمه تانى بس كلمته تاني مش عارفه اعمل ايه تعبت من حياتى
______________________
ايه يا لوزة الكلام دا
انتى عندك 23 سنة مش 13
الدنيا فيها حاجات تانية اهم من الحب و الرجالة و الجواز و العياط بالليل على اللى راح أو اللى لسة ما جاش
يعنى انت الحمد لله صحتك كويسة و اهلك مش مقصرين فى تعليمك و بتاخدى كورسات و حاجات يبقى ايه بقى النكد دا؟
فى ناس لا لاقية تاكل و لا تشرب و لا تتعلم و لا تشتغل و لا تتستر اصلا و انت عاملة مناحة على كلام مش هو اهم كلام
الولد التانى بقى
انت حبيته امتى و فين و بمناسبة ايه؟
تعرفيه منين اصلا؟
و هو داخل من الاول كلامه واضح
قال لك يا بنت الناس انا مش هتقدم و لا هتجوز و مش بافكر فى الكلام دا و قال انه مش هيقدر يشوفك كتير بحكم انه فى محافظة و انتى فى محافظة و ما عندوش غير كلام الحب يديهولك
و انت وافقتى
و جيه شاف له يومين و رجع قالك انه مش حاسس بحاجة …. و دى ترجمتها انه ماطالش منك حاجة
و لما رجع انت وافقتى و دى ترجمتها انك هتفكيها شويتين
زعلتى ليه بقى لما الموضوع قلب بوس و بتاع؟ ما هو الموضوع عمره ما كان جد من الأول
هو دلوقتى شايف قدامه واحدة حياتها فاضية و محتاجة له و مش قادرة على نفسها و معندهاش كرامة
تفتكرى هيعمل ايه؟
