fbpx
مونتيسوري مصر- تقدمها مروة رخا

مناورات عاطفية و شغل بنات فاضية و اخرتها ايه؟

 

 

انا بحب ولد زميلى بقالنا سنيتن وكنا على طول مع بعض ومش بنبعد عن بعض ابدا بس بدانا نبعد شويه بس فى لسه مشاعر يعنى مش بقنا نقابل بعض زى الاول وكدا بس مشعرنا هى هى وفجاه جيه اشتغل اول الشغل كان كويس وبظبط حياتو وكدا بعد شهرين من الشغل وكدا دخل فى مود الشغل اوى هو بيدرس وبيشتغل واول مره يشتغل والخد شغلو دا حياتو وبدائنا نقلل فى الكلام شويه وظروف الشغل متخلناش نشوف بعض بدانا منشوفش بعض خالص وحسو انو بارد كدا غى مشعرو مش ملهوف كدا زى الاول خت واقفه وقولتلو انت عاوز ايه وهنشوف بعض ولا ايه قالى انو مضغوط والشغل موقرف وكدا وانو ميقدرش يبعد عنى وكدا بس انا دلوقتى حسه انو بارد كدا حتى الكلام مش عارفه اتكلم معاه يدوب نطمن على بعض ويخلص شغل يقعد مع صحابو بدل ميجرى عليه ويتكلم معايا مش عوزة كدا كل يوم بس على الاقل يومين لا انا اخر حاجه لو اتبقى وقت يبقا يكلمنى متبقاش خلاص مش اشكال انا تعبانه اوى معرفش اشكى لمين لما اكون تبعانه نفسى حد يحن عليه ومش لاقيه ونص كلامو عن الشغل معرفش مالو كدا انا حاسه اول حاجه فى حياتو شغلو وصحابو بيجى عليه علشانهم ولما اجى اتكلم معاه يقولى انا شايل همك ولا بنتكلم ولا عرفين نشوف بعض وهو اصلا محولش انو يعمل حاجه عشان يشوفنى بحتار فيه واللى عاوز يعمل حاجه عشان حد حتى لو بيموت هيعملها انا تعبت بجد وهو يقولى مضغوط مضغوط شهرين ولا فى رومانسيه ولا حاجه حتى لما بنتقابل بقا يقعد كدا ساكت اكنو بيقضى واجب وخلاص عشان مزعلش مش حسه فعينو اللهفه وانو نفسو يقعد معايا ولما اجى اقولو كدا يقولى المفروض انك عارفه انى جوايا الكلام دا وانى نفسى اشوفك مش لازم اقولك نفسى اشوفك عشان تعرفى انى نفسى اشوفك بجد حسه انو بارد مش عارفه افول حاجه اكتر من غير ينفع ارجه ايام زمان ؟؟؟؟؟؟؟؟
————————

 
دى شكوة كل الستات من كل الرجالة لكن السؤال الحقيقى بقى هو: هل انت متأكدة من حبه؟
لو لأ سبقى سيبك منه و انسى الموضوع
لو ايوة يبقى لازم تفهمى ان المرحلة دى مرحلة انتقاليه فى حياته و مرهقة نفسيا و هو محتاج اصحابه اكتر من احتياجه ليكى
 
هو محتاج ترفيه و قعدة فرفشة و اقل مجهود ذهنى
 
هو ما فيهوش حيل ليكى و لا لحكاياتك و لكلامك و لا للعواطف اللى انت متوقعاه يظهرها
 
هو مرهق و قرفان و عايز يريح .. لا حد يطلب منه حاجة و لا حد يتوقع منه حاجة
 
—————————-
 
ايوة انا متاكده انو بيحبنى بس انا اعمل ايه ؟؟ هل هى فتره وهتعدى ؟ولا هفضل كدا على طول ؟ ولا انا بئيدى اغير الحياه دى؟؟؟ انا فاهمه انو عاوز يفرفش وكدا بس ممكن يخلى يومين من الاسبوع اللى بيفرفش فى دا ليه وبعدين لما بائفش معاه عشان متكلمش مثلا او كدا تانى يوم يتعدل !!!!!!!! بس انا متاكده انو بيحبنى
———————-
 
 
انتم محتاجين حاجة من اتنين علشان حياتكم تتصلح

 

يا اما مصيبة كبيرة .. زى مرض مالهوش علاج و لا وفاة و لا كارثة من اى نوع
يا اما انتى و هو تتكلموا زى الناس الكبار و تحطوا عقلكم فى راسكم و تستمتعوا
بعلاقتكم و حبكم و شبابكم و نعمة ربنا ..بدل ما النعمة تزول

و من فضلك بلغيه ردى لان انت لوحدك مش هتعرفى توزنى العلاقة

 

 
—————————-
بصى انا قولتلو ان فى ولد عاوز يكلمنى فى الجامعه وكدا بس هو بقا اضايق اوووووى وكلم الولد واخانق معاه بس اتعدل شويه بس لسه هقولو ان الولد دا عاوز يجى يتقدم ووقفنى فى الجامعه وكدا وقالى كدا ومخلص وكدا لازم احسسو انى هروح من ايدو عشان انا مخلصه لى جدا وقدرتو اوووووى وعمرى مقصرت فى حقه وهحسسه انى مش عوزاه لازم يعرف بقيمه اللى كنت بعملو عشانوعمتا هشوفو هيعمل ايه لما اقولو انو عاوز يجى يتقدم وكدا انا عوزة اشوفو هو هيعمل ايه بقا عشانى وتقلان كدا عليه وكل دا انا اللى هنفضلو كدا شويه وابعد عشان يتعدل بس عشان زى مانتى قولتلى هو لازم يفوووووووووووووق من اللى هو فى دا على فكره النعمه هتروح من ايدو هو عشان انا كنت بعملو من جوايا ولا ليه فى لف ولا الدوران ولا الكلام دا بس
——————
 
 
انت ممكن تلعبى اللعبة دى دلوقتى و انت مش مراته و تنجح لانه لسة ما ملكيش
لكن هتعملى ايه لما تبقى مراته و فى بيته؟
لو دا طبعه يبقى انت لبستى فى الحيط
حكمى عقلك شوية
لانه ممكن يكون شخص مش مناسب اصلا
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”