عايزه اعرف رايك فى الولاد اللى يبحبوا واحده عشان ينسوا واحده تانيه

دى مشكله واحده صحبتى وبجد صعبانه عليا ومش عارفه اقولها تعمل ايه ياريت تساعديها وتقولى رايك
هى بتحب واحد وهو بيحبها وبقالهم مع بعض سنه تقريبا وهو قبل كده كان معجب بيها وفضل سنتين يحاول يقرب لها وحاول معاها بكل الطرق لحد ما بقوا مع بعض وكانوا كويسين مع بعض بعدها بعدوا عن بعض بسبب مشكله وهى زعلت منه جامد وهو حاول يصالحها لمده 3 شهور بعدها قطع الاتصال بيها ومبقاش يحاول يصالحها فهى بعد شهرين كلمته وقالتله عايزه اقابلك ونتكلم قالها والله مش فاضى وعندى شغل ولما يكون فى يوم فاضى هكلمك ونتقابل فضل سيبها فتره وهى ساعتها حست انه مش عايزاها وانه خلاص
كلمها وقالها نتقابل واتكلموا مع بعض وقالتله انها مسافره تشتغل بره عشان تحقق ذاتها وكانت عايزه يزبطوا مستقبلهم مع بعض ويحاولوا يوفقوا بينهم وبين بعض هو مكنش معترض على حاجه فى حكايه السفر دى بس قالها انا مش هقدر اوعدك بحاجه دلوقتى اصل انا عندى ظروف وعندى استعداد اسافر معاكى واجبلك الشقه فى المكان اللى انت عايزاها بس مش هقدر اوعدك بس قالتلى مكنش رومانسى خالص معاها وكان متجاهلها تماما
رجعت كلمته باليل وقاتله انت مستهتر بيا ومش مفهمنى حاجه فى حياتك ومش بتحبنى ومشاعرك اتغيرت من ناحيتى وطريقتك مختلفه معايا وده مش منظر واحد بيحب واحده ابدا
كل اللى هو قدر يقوله ليها انه كان باين فى عينك انك مش عايزانى وان انا مش هقدر انساكى
اناا ادخلت فى الموضوع بعلمها طبعا وقولتله ليه عملت كده قالى انا خلال الفتره اللى بعدت عنها فيها قابلت بنت تانيه وحبيتها لانى مكنتش قادر انساها وكنت محتاج واحده تخلينى انساها وانا حاولت معاها كتير ان نبقا مع بعض بس هى رفضت فكان لازم احب واحده غيرها عشان اقدر انساها
وهى كمان عايزه تسافر اللى هى صحبتى يعنى وعايزه شقه فى المكان المعين انما دى كويسه وبحبها ومريحانى ومعنى كلامه انها شطوره وبتسمع الكلام
انا اتصدمت من اللى قاله طريقه كلامه كلها انه بيقارن بين دى ودى ومين اللى هتريحه اكتر وكمان اكتشفت انه جه يقابل صحبتى والبنت دى فى حياته وكان بيقول لصحبتى بحبك وعايزك
طب تيجى ازاى دى
المهم قعد يدى لنفسه مببرات وخلاص انه ليه بعد عن صحبتى ومش راجع تانى ليها وقالى انها كده كده زبطت نفسها على البعد وانها مسافره انما اللى معايا دلوقتى الله اعلم ممكن يحصل لها ايه لما اسبها يعنى حسيت انه اختارها عشان صعبانه عليه اكتر واهى بنت حلال وهتسمع الكلام انما صحبتى عندها شخصيه شويه وبتحب المشاركه وكده يعنى مع انه كان معجب بده فى الاول بس الله اعلم ايه اللى غيره
قالى بلاش تقولها على حاجه وربنا يوفقها فى حياتها
بس انا قولتها مش عارفه اذا كان ده صح ولا غلط بس كان لازم تعرف عشان متفضلش محتاره هو ليه سابها وبعد عنها وليه اتغير معاها
قولتلها انه حب واحده تانيه ومرتاح معاها اكتر وخلاص انسيه
 المشكله بقا انها مستنيه انه يرجع لها تانى ويكلمها وبتقولى انه حب واحده تانيه عشان ينسانى مش حبها عشان شخصها مجرد يعنى واخدها مرحله ينسا بيها بس هو مش هيقدر وهيرجع تانى ليا لما يقعد مع نفسه ويعرف انى بحبه بجد
مش عارفه يا مروه تفكيرها ده صح ولا وانا قولتها هو خلاص حب واحده تانيه وهى مريحاه اوى وهترضى باى حاجه هو هيقولها انتى بقا مستنيه ايه
تقولى انا الاصل وهو حبها عشانى
وعايزه اعرف رايك فى الولاد اللى يبحبوا واحده عشان ينسوا واحده تانيه هل حبهم للتانيه ده بيكون صادق فعلا

————————–

مشمشة