سؤال للأمهات بعد قراءة المشكلة: هى ليه بنتك ما ينفعش تيجى تقول لك
انا بنت خالي قدي في السن هيا مش عايزه تبعتلك من الاكونت بتعتها فقلتلي مشكلتها وانا قلتهلها عبعتها من عندي
هيا عندها زي 15 سنه بتحب واحد من النت اوي هو قدها وبيكلمها موبايل هو كويس معاها جدا وبيهتم بيها وبيسال عليها وبحترمها وبيخاف عليها وكل حاجه وقلها ان انا ممكن اكلم اختك عشان ققولها اني بحبك لو اني حسه اني ممكن اكون بضحك عليكي بس هو بياخد معاهافي السنتر وهيا مش قادره تسيبه لانوا مش بيعمل حاجه غلط وهو مفهوش اي حاجه المشكله يا مروه هيا مش قادره تحس انها سعيده عشان اهلها ميعرفوش حاسه ان ربنا مش راضي عنها بليز يا مروه ردي عليها عشان هيا بجد تعبانه ودي زي اختي وعايزاكي تقوليلها تعمل ايه
————————-
الحب مش عيب لكن العيب انها تكبر المسائل لحد ما الموضوع يتحول لكارثة
نصيحتى لها انها تتعامل معاه كصديق لفترة لحد ما تعرفه كويس و تتطمن له … و انا افضل انها تقول لأمها و ان أمها تقابله و ان كل مقابلاتهم تتم بعلم الأهل علشان دا اكبر حماية ليهم هما الاتنين .. و لو امها اتخانقت معها .. انا مستعدة اكلمها
