أنا مش هقدر انشر المشكلة لأنى وعدت صاحبتها بالسرية .. لكن المشكلة دى متكررة … مشمشة اتجوزت مشمش .. مشمش غاوى نت و شات و مواقع اباحية … مشمشة كانت فاكراه هيتغير بعد الجواز … مشمش بعد الجواز بقى راجل مش تمام مع مراته فى العلاقة الخاصة و مضيع وقته و صحته على الشات و الويب كام .. مشمشة بعتت تسأل تعمل ايه
______________________________________
طبيعى انى أسال مشمشة
هو انا لو سألته ليه بيعمل كدة هيقول لى ايه؟
أنا محتاجة اسمع منه بدل ما اظلمه
و مشمشة تأكد لى انه انها عاملة اللى عليها و زيادة
و فى الاخر بقول لها
طيب … لو انت شايفة ان مافيش حاجة نقصاكى ممكن تعمليها و لا حاجة ممكن تشديه بيها يبقى دا مدمن .. مدمن مواقع اباحية و علشان كدة هو مش قادر يقيم معاكى علاقة سوية
اختياراتك
اولا: الطلاق
ثانيا: تقبل الوضع الحالى
للاسف ربنا كان موضح لك كل العيوب و البلاوى و انت صدقتى انه هيتغير و ما حدش بيتغير
هتعملى ايه؟
الاختيارين فى منتهى الصعوبة بس مين فيهم اهون عليكى؟
فى اختيار تالت بس مش عارفة انت هتقدرى عليه و لا لأ
تتحولى انت شخصيا الى عشيقته على النت .. هو مزاجه نت .. ادخلى مزاجه من النت .. اعملى بروفايل و اعملى شات معاه منه بس يبقى عارف انك مراته و انك عايزة تلعبى بلعبته .. النت
