سورى يا مروه لوهكون تقيله عليكى بس ارجوكى ردى عاليا علشان ان بثق فى ارئك جدا اول الحكايه
ان انا عمرى ما حبيت فى حياتى او حتى فى مرحله اللى المفرضوع ان كل البنات بتحب فيهااااا محولتش اشغل نفسى فىالموضوع ده وكنت بقول كل ان شاء الله هيجلى نصيبىا للى انا احبه طول عمرى بس اكيد زى بقيت كل البنات بتمانه وبستناه جدااااااا ولكن انادلوقتى فى رابعه جامعه وعندى20 سنه من شهر بالضبط انا نزلت تدريب فىاحدى الشركات وده عادى بالنسبه ليا لانه كان بيحصل كل صيف لكن السنه دى قبلت واحد هو شخص عادى يعنى مفيش فيه حاجه لفت نظرى بس كان كمان فى نفس الاداره اللى انانزله فيها تدريب يعنى تقريباا مكتبنا قرييبه من بعض جداا بس هو شخص عادى مش بيكلم كتير ولا انا كمان خصوصاا مع حد مبعرفهوش كويس بس لقيته كده بعد اسبوع عده بدا يكلم معايا طبعاااالكلام الخفيف ده بتاع اولتعارف على اى حد بس كان فضل الحالعلى كده لمدةاسبوع كمان بس لقيته اخرالاسبوع بيقوللى انه مسافر
وواخد اسبوع اجازه ولما يرجع هكون اخلصتتدريب ومش هيلحق يسلم عاليا قبل ما امشى(وعلى العلم انه عنده37مجوز وعنده بنتين) بس انا كنت محرجه اقوله لا
طبعاا اددهوله بس مفيش فى نفس يوم كان عملى اضافه طبعاا كلمنى وطبعااردتيت عليه بدا يبقى حاجه اساسيه فى يومى انى ادخل الشات علشان اكلمه طبعاا مش ساعه ولا اتنين بتوصل بخمسه لتسع ساعات وطبعا سافرت لفتره كده كانت حصلت ظروف عند تيتا لقيته جايب رقمى واتصل بيا وبيطمن عاليا ببقى مبسوطه وفرحانهو زعلانه ومضايقه فى نفس اللحظه لما بيكلمنى يطمن عاليا او حتى بيبعتلى مسج كان بيكلمنى تقريباا يومياا بس طبععا اتعلقنا ببعض جامد جداا اوى حبه جداااااااااااااااااااااااا
وحبنى اوى وبيقولى دايماا ناتى حياتى وعمرى وان انه اللى مخاليه اعيش
حبيه جدااوهو كمانبس لقيته بعد كده بيقوللى انه مش هيقدر يتجوز تااااانى او حتى يسيب مراته نا قولتله ان مش مشكله انا بقى نفسى افضل معاه وبس ومبقتش افكر خااالص غير انى انا عايزاه يفضل معايا على طول
وان انا مش عايزه غير حبه مش اكتر هو بقى يقولى انه مش عايز يظلمنى بس اخدتنا وعد انه مش هوهيفتح معايا الموضوع ده تانى علشان انا بضايق كل ماتيجى السيره ده بس برده هو كل شويه بيفكرنى
(((((((((((((((ارجوكى يا مروه ردى عاليا))))))))))))
____________________________________
انا غاضبة
لأ بجد .. مخنوقة
أنا عايزة أجيب الاخ المحترم دا و أكسر دماغه … و ممكن كمان الطش له وشه يمكن يفوق …. مشمشة الأخ دا مثل حى لإنسان الغاب طويل الناب
لو دا حد محترم كان هيتصرف كالآتى
اولا: انت فى عهدته من الناحية الوظيفية و أى تعدى نوع من أنواع خيانة الأمانة .. هو المفروض يعلمك الشغل و لا يظبطتك؟
ثانيا: فرضنا انه حس انك معجبة .. المفروض كإنسان ناضج أكبر من ب17 سنة و خبرته فى الحياة اضعاف اضعاف خبرتك كان يحجم الموضوع مش يشجعك
ثالثا: فرضنا انه عيل و انك حليتى فى عينيه …. فين ضميره؟ ماخافش على ولاده؟ على سمعتك؟ على سمعته؟ على مراته؟ على بيته؟ عليكى انت من بشاعة التجربة؟
رابعا: دا مش راجل محترم .. دا مراهق عايز يحب على النت و يعمل زى العيال اللى لسه ما دخلتش دنيا
خامسا: انا زعلانة منك .. جدا
هل انت شايفة ان دى قيمتك؟ ما تستاهليش احسن من كدة؟ أخرتك علاقة مخفيه مع واحد عمره ضعف عمرك و متجوز و مخلف و قال لك بصراحة انه مش هيسيب مراته و لا هيتجوزك … يعنى علاقة مقرفة من كل النواحى … هتضيعى كام سنة من عمرك باسم الحب؟ واحدة؟ اتنين؟ خمسة؟ تفتكرى هو عايز منك ايه؟ هل أخر طموحاته تليفون و شات؟
هتقدرى تكدبى على اهلك لحد امتى؟ هتقدرى تكدبى على نفسك لحد امتى؟ المفروض اللى فى سنك بيبقوا كلهم امل و طموح و حب استكشاف الحياة و احلام بالمستقبل .. لكن انت ذبلتى … مستقبلك ايه؟ احلامك ايه؟
فوقى
