حبيبة الملايين مروة..
ازيك يا رب تكوني بخير..انا مش عارفة انا عندي مشكلة والا لأ ؟! بس هحاول اختصرلك شوية حاجات ملخبطة كده بفكر فيها..بصي يا مشمشة 🙂
.اولا انا كنت مقيمة خارج مصر جيت مصر عشان الجامعة كان عندي 17 سنة كان جو جديد عليا اصحاب ومكان كل حاجة اتغيرت..اخدت وقت كبير على ما عرفت اعيش مرتاحة..قريبتي كانت مرتبطة بواحد.. وانا بالصدفة عرفت ابن خاله كانت معرفة عادية..تليفونات ونت..و عشان جامعته مكنتش في نفس المحافظة بتاعتي..مكنتش بشوفه..شوفت صورته بس..و هو كمان شاف صورتي..
مع مرور السنين من صداقة لاعجاب لحب..بدات الخناقات عشان هو مسافر يشتغل برة..ولازم يشوفني..وانا على قد ما كان نفسي اشوفه واقابله ونعيش انا وهو قصة حب سوية..كنت خايفة جدا..خايفة ما ارتحش..انا ما اعجبوش..مش عارفة!!
بس كنت خايفة…بس خوفي مكنش ليه علاقة بعدم الامان خالص..بس كنت راهبة الموقف..فقالي طالما الوضع بقى كده..احنا مش هينفع نكمل..وانا قولتله ليك حق..( بس انا بحبه وعايزاه) المهم مابين 4 سنين فراق ورجوع..بسبب الموضوع ده
بس..سافر ..من غير مانتقابل..عيلته كلها كانت عارفاني كاسم بس..وكذلك عيلتي..لما سافر زعل مني جدا..واتخانقنا كتير..المهم مامته كلمت ماما..و باباه..و نزل بعدها بشهور و اتقابلنا..ويا ريتنا كنا اتقابلنا من زمان..عايزة اقولك بجد كنت حاسة انه كان معايا امبارح..هيا بس اول ربع ساعة..وبعدها انا وهو فكينا..جيه اتقدملي بعدها بأسبوع..والحمد لله احنا دلوقتي مخطوبين..بس هو سافر بعدها ب 10 ايام..
هيا دي الحدوتة..الاسئلة بقى اللي بفكر فيها كتير..؟
انا الحمد لله بجد بحمد ربنا انه من نصيبي و هو صبر كتير واستحمل وعمل كتير عشاني..
اولا بقى: هل علاقتا كده صح..؟ احنا مستوانا الاجتماعي والمادي والثقافي متكافئ و هو الحمد لله انسان ناضج هو عنده 29 سنة وانا 23 صريح..وانا وهو بدانا علاقتنا كاأصدقاء عشان كده بنتكلم دايما بصراحة مع بعض..بس احنا ملحقناش نقعد مع بعض حاجة..؟هل الحاجة دي هتأثر علينا بالسلب بعد كده..؟
طبيعته لما بيزعل مني بيحب يبعد شوية يومين يهدى..ويرجع نتكلم..انا الطريقة دي بتستفزني..قالي انا زعلي كده..ولو اتكلمنا وانا وكده..هنشد مع بعض..فسيبيني اهدى..هل كده صح؟ مع ان ردة الفعل دي بتدايقني اكتر..؟
هل صح اني اسأل خطيبي اذا كان ليه علاقات غير شرعية قبل ما يعرفني..والا اللي فات مليش دعوة بيه..؟
ساعات بحس اني نفسي اسأل..وعارفة ان انا لو سألت هيجاوبني بصراحة..بس مش هرتاح نفسيا لو الاجابة كانت آه..بس ايه الصح؟؟
اعمل ايه…عشان اجدد علاقتنا ببعض..و اطورها بشكل سليم..مع العلم انه مسافر يعني بعيد..؟
بس كده..اسفة عشان طولت عليكي..و لو في اي نصيحة تحبي تنصحيني بيها كوحدة لسه مخطوبة انا كلي آذان صاغية 
و شكرا على اهتمامك وتعبك معانا..
بحبك على فكرة 🙂
