هاي مروه.. عاجباني ردودك و عايزه رأيك في موقف :
واحد مبين لخطيبته من أول الخطوبه أنها عاجباه و متمسك بيها بس لمحلها انها شكلها و لبسها مش عاجبه أوي و هي عندها ثقه في نفسها جدا تعمل ايه و هو بيموت لما بتسيبه !تفسري كلامه بايه ؟
مش المفروض اللي ماعجبتنيش ما أخطبهاش ؟ في غيرها ألف ! خصوصا انه جواز صالونات !!
ده اللي محيرني
___________________________
سؤال محرج جدا يا مشمشة
لو احنا بنتكلم فى حاجات جوهرية زى مثلا وزنها أو لونها أو مشيتها أو شكل
مناخيرها يبقى كلامك صح لأن إيه اللى غصبه من الأول
لكن لو الموضوع فى ستايل لبس أو ألوان بيحبها أو برفان بيفضله أو مكياج من عدمه
يبقى ما فيش مانع
طبعا انه ياخدها محجبة و يقرفها علشان تفك الحجاب أو ياخدها مش محجبة و يضغط
عليها علشان تتحجب يبقى بالسلامة
و انت كمان من حقك تعلقى على لبسه و ريحته و طريقته
