انا طالبه في كلية الطب وعندي 21ونص…..
صاحبتي قوي اللي عرفتها من اول يوم كليه…كانت بتقول كلام مفهومه انها عايزاني لأخوها بس ده اللي انا فهمتهوانا قلت الكلام اللي كانت بتقولو لوالدتي قالتلي لا عادي…ولاتنين اقرب اصحابي قالولي لا مش عادي ما كلنا عندنا اخوات مش بنحكي عليهم ليه هوا معانا في طب المهم انا لما براجع الكلام اللي كانت بتكرره ليه بحس ان فعلا قصدها حاجة وانو كلام يعني تقصد حاجة…انا فعلا مكنتش واخده بالي من كلامها في الاول بس بعد كده اخدت بالي…..انا شفته مرتين وهوا كمان وبصراحه هوا الشخص اللي بحلم بيه لاني عرفته من كلام اخته عليه…دلوقتي اننا مش عارفة هما واخدين عني فكرة ايه في البيت …عارفة وفاهمة ومطنشة ولا عبيطة ومش فاهمه ولا اية ومش عارفة يامروة اوصلها اللي جوايا ازاي….اقولها ايه عشان تعرف اني موافقة؟؟مع العلم انها عمرها ماقالتهالي كده صراحه ومباشر لا هيا كلامها تلميحات بس
بس هيا بقالها كتير عاحال ده يمكن 3سنين وخايفة يملو مني؟؟
هيا قالتلي يجي 3 مرات انه عايز يخطب ومن كليتنا دي؟؟؟؟؟مش عارفه
ممكن تساعديني وتقوليلي اعمل ايه؟؟
_________________________________________
انا خايفة تحرجى نفسك و تكون المواقف كلها من خيالك
اللى انا اعرفه ان الواحد لما يكون معجب بواحدة بيلمح او ياخد خطوة أو يطلب من اخته تفاتحك مباشرة لأنه مش بينام الليل من التفكير فيكى
و ان الراجل اهم صفاته انه يكون مقدام و بياخد خطوة
اما بالنسبة لاخته .. فمايفهمش البنت اكتر من البنت اللى زيها .. يعنى من غير ما تقولى هى اكيد عارفة من شكلك انك مش ممانعة
و بعدين مش يمكن هى بتقول الكلام دا لكذا واحدة؟ يعنى عاملة اخوها حجتها علشان يبقى لها صحاب
زى اللى بيمشى يقول انا بابا وكيل وزارة و خدوم علشان الناس تتلم عليه و تصاحبه على امل انه يشغلهم
