مروه,كيفك؟
بدايه أحب أقولك أنى بدأت أتابعك من مده بسيطه بس أنتى حد جميل قوى
مروه أنا من مده كنت مخطوبه و بحب خطيبى بس محصلش نصيب, المهم سيبنا بعض و كل واحد فى حاله بس بشوفه من وقت للتانى لأنه قريبى بس من ساعتها و انا حاسه إن فيه حاجه ناقصانى, كنت بحس الأحساس ده قبل ما أتخطبله و رجعلى من بعد ما سبته مع إنى عندى الحمدلله كل المقومات اللى تخلينى سعيده, عندى عيله حلوه قوى, و صحاب كويسين جيداً و شغل كل الناس بتحسدنى عليه لكن بالرغم من كده بحس أن فيه حاجه نقصانى و لما فكرت لاقيت إن الحاجه ديه هو أو الأرتباط فى حد ذاته مع العلم إنى مش متعوده على حياه الأرتباط يعنى مش شئ جديد إنى أكون سنجل
يعنى عمر ما الأحساس ده حيروح الا لما أرتبط؟
طاب لو الأرتباط أتأخر؟
_______________________________________________________
الاحساس دا اسمه فراغ عاطفى
هو احساس وحش بس الاسوء منه انك تكونى مرتبطة و حاسة برده بفراغ عاطفى علشان
كدة ما تتسرعيش فى ارتباط الا اذا كنت حاسة انك فعلا سعيدة
اما بقى لو الارتباط اتأخر فعليكى بالرياضة و الهوايات و العمل الخيرى .. اه و
الله … اى حاجة تطوعية فى ملجأ او دار ايتام له تأثير السحر فى موضوع الفراغ
العاطفى
