fbpx
مونتيسوري مصر- تقدمها مروة رخا

رد صوتي: مشمش الفقير والفرق الاجتماعي

سورى يا مروة  انا عندى مشكلة و بجد مش لقية حد يسعدنى و بدعى من ربنا انى الأئى حل … مروة انا بحترمك جدا وبحترم افكارك علشان كدة هعتبرك واحدة من اخواتى وهتكلم معاكى بسراحة .. بوسى بقة

انا كنت باخد كورس اول ما اتخرجت و كان معايا جروب ظريف اوى وكنا بنخرج مع بعض فى شكل جروب لحد ما خلص الكورس وكان فى واحد هوا تاريبا اللى كان بيتصل كل يوم يطمن عليا و انا بصراحة كنت معجبة بية من ايام الكورس لكن مكنتش مبينة خاااالس لحد ما جية وقالى انة عايز يتقدملى انا اتبسط قووى

وفعلان باباة و ممتو جم هما موهندسين وكل حاجة بس أهلى ما اعجبوش باهلو شيفين انهم مستوى اجتماعى اقل منا بس بسراحة اهلى موقفوش الموضوع وقالو لية نظلم الولد الولد كويس و طموح هوا بيشتغل فى بنك ومتاكد انة هيبقة فى يوم من الايام مدير البنك دة المهم اهلوا جم عيزين الخطوبة سنتين ل سنتين ونص وطبعااااااا دة ميعجبش اى حد ممتى و اخويا قالولو بص يا ابنى ظبط امورك وتعالى

كلام سليم بسراحة اهلى مغلتوش السنة اللى عدت دى كنا على اتصال ببعض و جية عيد ميلادو وجبتلة هدية محفظة جلد طبيعى علشان عرفت انة عايز يجيب وحدة وحسيت ان اول هدية مهمة قوى انى اجيبها جامدة قوى المهم مبقاش مصدق واتبصت قوى لحد بقى عيد ميلادى

وكانت المشكلة اللى انا فيها انا عيد ميلأدى يوم رأس السنة وطبعا باضية مع عيلتى ف قالى خلاص ننزل يوم واحد يناير قلتلة اوك ..وانا كنت عارفة منة انة الشهر دة مزنوء قووى فى الفلوس و قلتلة مش لازم تجيب حاجة انا كفاية عندى اشوفك اليوم دة و هوا اعد اسبوع قبل عيد ميلأدى يقولى تحبى نعد فين طيب عيزانى اجبلك اية وانا اقولة فى اى مكان علشان عرفة ظروفة بجد وعرفة صرف فلوسة ازاى
لقيتة يوم ما نزلت اشوفة ماسيك شنططة محل اكسيسورات و هوا مكسوف اوى و قالى كل سنة وانتى طيبة عديت الموضوع وابتسمت ما حسيستوش انى اتفجئت وقالى الى جوة مش اكسيسوار قلتلة امال اية قالى استنى لما نعد الاول المهم قعدنا وفتحتها لقيتها ساعة تقليد لمركة قالى انتى ليكى حاجة تانية مش دى بس قلتلة مرسى تعبت نفسك لية وانا مش مصدقة عنية …مش عرفة اية اللى حصلى يا مروة

و سالتو سوال المفروض ميتلعش منى انا عرفة بس ممكن تقولى الموقف استفزنى قوى بس اللى حصل سالتة انت جبت الساعة دى منين (فقلتلة اسم محل توكيلات) لقيتة اتخض و كدب عليا وقالى اة من هناك انا اتصدمت ورجعت البيت منهارة كل دة مش مبينالو انى فاهمة ..هوا فضل يتصل بيا كل شويا بعد ما وصلت البيت تاريبا بيقول اية اللى انا عملتة دة ويقولى انا بتمن عليكى ومامتو كلمتنى علشان تقولى كل سنة وانتى طيبة لغاية لما مقدرتش وقلتلة انت مش جايب الساعة دى من المكان الفلانى قالى اة قلتلة طيب فين الجارنتي بتعها مفيش ساعة بتتطلع من المكان دة الأ وهيا شغالة و معاها الجرنتى بتعها ؟؟؟

الكرسة انة قالى اة انا جيبها من هناك و اديهالى وانا اجبلك الجرنتى انا بقى قلتلة انت كداب و مخادع و الى يعمل كدة فى دى يعمل كدة فى حاجات تنية … وهوا كان بيرد ويقولى انا واللة العظيم مكنتش عايز اكدب لقيت نفى محرج من المقف اوى و كنت عايز اجبلك حاجة قيمة بس اليومين اللى فاتو كنا بنقفل ميزانيات فى البنك وكنت بطلع متاخر بتكون المحلات افلت قالى قلت خلاص يوم ما هنزل اشوفك هروح اجبلك هدية من الحل اللى يتجيبى منة بس لاقيتة قافل و هيفتح متاخر (وفعلن اتصلت بالمحل دة قالى احنا هنفتح متاخر علشان راس السنة)

المهم اعد شهرين يتصل بيا يقولى انا اسف وانا لو مكانك مش هثق فى الشخص دة بس فضل يقولى انا واللة كان ليا اسبابى وانتى عرفاهه… المهم لما لقيت انة بقالوا شهرين بيتاسف انا و هوا قلنا لازم نعد و نشوف اخيت الموضوع دة اية لقيتة جيبلى جزمة كنت هجبها و معاها بكية ورد و سى دى علية اغانى عمرو الى بحبها انا اتفجات قلتلة انت متصور ان كل المشاكل دى علشان حتة هدية انا بتكلم على مبدا انك كدبت و عشت الكدبة …

ورفضت اخد الجزمة ولحد دلوقتى لسة عندة … بقيت بقى مشتتى انى بحبة بس خيفة يطلع دة طبع فية الكدب ..لغاية ما قلت لماما و لاختى ولأخويا علشان انا بجد بثق فى رايهم وحقهم عندى انى احترم كلمتهم……ماما قلتلى دة الواحد يخاف منة و انا خيفة عليكى منة ..اختى قالتلى دا من المستحيل انك تتجوزى واحد كداب و مخادع خلى بالك يا مروة هما كمان حسين انى هتعب مع اهلو و مش مقتنعين بيهم %100

اخويا قالى الولد دة بيحبك قوى و عايز يجبلك احسن حاجة وحاسيس انة كان نفسة يجبلك الساعة دى الاصلى يتعها و قالى هوا لو كان ناوى الكدبة مكنش متطر انة يجبلك هدية تانية كان كفاية عندة الأعتزار … انا يا مروة حبيتة بجد و انا لسة على اتصال معاة بس نتيجة الموضوع دة بقيت اشك فى كل تصرفاتة بس هوا مش بيكون بيكدب انا اللى بقيت شكاكة قوى لحد ما هوا قالى انتى موضوع الساعة دة هوا الى بيعمل المشاكل بنا لحد دلوقتى وقالى لو مبقتيش وثقة من جواكى انى مش كداب حياتنا هتبقى كدة صعبة قوى … الى قلقنى بقى الفترة الى فاتت انة من اول ما اتعرفنا وانا عرفة انة ساكن فى وادى النيل وكنت عرفة ان ليهم شقة مقفولة فى امبابة عرفت بس من ثلأث اسابيع ان الشقة الى قعدين فيها دىالى فى وادى النيل بتاعت جدتة بس انا شيفة انة كان المفروض يقولى قلتلة كدة قالى انا اصلان فى وادى النيل من اول ما اتولدت …. انا بقى بقيت يا مروة مش عرفة انا مفترية ولا دة الصح و لا اية انا بجد تعبت من التفكير ….. عيزاكى تسعدينى بجد … سورى طولت عليكى

 

 

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”