هي اني زي ما قولتلك اني بشتغل وبدرس، وبأخد كورسات، واوقات تلاقيني بقراء كتير او اغلب الوقت،ان شاالله في المواصلات المهم افهم اللي عايزة اعرفة واقراء عنة، المهم يعني
ناس كتير بتقول ان ده غلط وتشتت، وانتي كده بتتعبي نفسك بزيادة، اعملي حاجة واحده بس في وقت واحد بس
انا كالعادة معترضة عالجملة لأني برود
واقول
انا اكتر واحده عارفة احتياجاتي، وعارفة انظم وقتي بقدر كافي، و اكتر حد عارفة اولاوياتي
فبتالي انا مش مقتنعة بالكلام ده
وده لأني عايزة اسابق الزمن والوقت، انا دلوقتي مش مرتبطة بأي مسؤاليات زي بيت وزوج وكده، فعايزة اللحق انجز اكتر في الفترة دي لحد ما ربنا يكرم، علشان الحاجات اللي محتاجة مجهود كبير اعملها وانا فاضية، واللي محتاجة مجهود اقل اعملها لما يضاف لمسؤالياتي مسؤالية الجواز وكده
وكمان عايزة اللحق اوصل لأهدافي بأسرع وقت علشان حسة اني ضيعت وقت كبير نسبا زمان، في الجامعة الاولي
فعايزة اللحق اعوضة في الجامعة التانية ، علشان برضة ارتقي في شغلي، بعد انتهاء الشهادة، بأذن الله
نيجي بقا للمشكلة، اني في الفترة الاخيرة بدات احس بمشكلة تانية، الاو هي
اني فعلا حسيت من قريب ان تفوقي في المجالات اللي داخلها كلها، بقا محدد
بمعني اني مش بقيت اجيب مثلا الدراجات العالية، لأ بجيب اللي ينجحني، ويعديني من المرحلة اللي انا فيها، حتي شغلي، بس مش بقول اني بفشل فيها، او بسقط، لكن مش عاجبني ادائي
مستويا وكفائتي قلو كتير، وده مش مريحني.
وكمان خلاص بقا يجي علية وقت دلوقتي، ببقا عاملة زي اللغم عايزة انفجر، اقوم رامية كل حاجة ، واقعد مع نفسي، تلاقيني مرة اعيط مع نفسي، ( لاني مش بحب ابكي قدام حد) وارجع تاني للي كنت بعملة، يعني من باب تفريغ الشحنات، علشان ارجع اواصل تاني
او تلاقيني اخدة بعضي ورحت مكان هادي واستجميت شوية، وبعيد بيها نشاطي، لكن برضة، مضايقة من ادائي مش عاجبني، مش راضي طموحي
المشكلة اني مش بعرف اعمل حاجة واحده، ولا اركز في حاجة واحده، وحاولت كتير، بس الاولاويات هي اللي بتتدفعني اني اعمل اكتر من حاجة في وقت واحد
( يعني تلاقي في الشغل خلاص لازم اخد كورس لغة لاني محتاجة في الشغل، في حين اني بدرس في الجامعة، وبشتغل،)
يعني احتياجاتي واولاوياتي هي اللي بتحدد اني اعمل اكتر من حاجة في وقت واحد
لكن مش بكفاءة عالية ترضيني، واوقات وده بداء يظهر علية
دي مشكلة مأرقاني دلوقتي، والكلام مش بس علي الدراسة، لكن علي الكل، شغل دراسة كورسات
محتاجة نصيحتك في النقطة دي.؟
سوري تعباكي معايا
