ازيك يامروه انا محتاره اعمل ايه انا مخطوبه من عشر شهور ومن يوم متخطبت وانا مشفتش يوم حلو دايما مضيقنى ومزعلنى وبعدها يجى يقلى انا اسف اصل انا مضيق شويه بسبب السفر هو من يوم متخطبنى وهو مستنى السفر المهم انا كرهته وانا بقعد على النت قبلت حد على الاميل المهم حبنى اوى وقلتله انى مخطوبه بس هو كان بيحبنى وانا بصراحه حبيته من كتر حبه ليه طيب اوى وحنين المهم بيقولى انا هستناكى لاخر عمرى انا عايز اسيب خطيبى من زمان بس الفكر بقت اكتر فى دماغى من بعد الحد التانى ده بس انا لو قلت لماما انى عايز اسيب خطيبى ممكن تقتلى هتقولى انا مصدقت انى اتخطبتى وانا عايز اخلص بقى ده الى كان من الاول مخوفنى انى اسيبه بس انا بكره قللى اعمل ايه استحمل زى ماما بتقولى وانسى التانى واعيش وخلاص ولا اسيبه ولا ايه انا كمان خايفه من ربنا يعقبنى عشان وانا مخطوبه عرفت حد تانى بس هو لو كان كويس عمرى مكنت هعرف حد تانى انا اسفه طولت عليكى ياريت تردى عليا بسرعه
_________________________________________________
انا ماليش دعوة بالحد التانى و لا حتى هعلق عليه … انا مش عارفة ايه اللى
محيرك؟ راجل و طلع غلط و نكد و وصلك للخيانى يبقى تستنى لما تتجوزيه و تجيبى
منه عيال؟ خلى مامتك تشهد على مواقفه و معاملته الزفت … صعدى كل مشكلة لحد ما
يسيبك
