فى البداية احب ان ارحب بيكى وكنت عاوزة اعرضلك مشكله بتقابلنى ومعرفش انا بحس كده ليه
انا عندى 18 سنه وفى كلية اعلام وبحب الخروجات والنزول وكل الحاجات الشبابية دى وعندى اعتقاد دائما وهو انى لو لم اعيش حياتى وانا فى هذا السن يبقى مش هعيشها بعد كده لما تتراكم عليا المسئوليات ولذلك اتجهت للكذب فى بعض الاشياء على والدى وذلم للقيام بما يحلو لى يعنى مثلا برجع متأخر واقول ان والد صحبتى هو الى وصلنى لحد البيت مع انى فعلا رجعت بتاكسى واحيانا اخرى اكذب ولا اقول انى ذهبت اماكن معينه لانى اعلم بأنهم سوف يرفضون مع العلم ان انا لم اخرج عن الاداب الى تعلمتها وعن العادات والتقاليد ولكن انا من وجهه نظرى ان دى حريتى الشخصية وان هذه حياتى وانهم بيخافوا عليا زيادة عن اللزوم وذلك بدليل انهم يرغموننى على الرجوع فى الساعه 8 مساءا ودة طبعا ميعاد مبكرا عن الذى ارغب فيه وخاصة اننا فى الاجازة الصيفية و لا يوجد مسئوليات فى هذا الوقت وهناك مشكلة اخرى انى لما حاولت اتناقش مع والدى بخصوص المواعيد وافقنى ولكن بعديها رجع لنفس المقوله وانى ارجع الساعه 8 انا بحس بخنقة لما حد بيحددلى مواعيد كما اننى لا استمتع بحياتى لانى انظر الى الساعه كل شوية حتى لا اتأخر وارجع فى الميعاد الى هما قالوا عليه ودلوقتى انا تعبت من كتر انى عايشة فى كذب مع اهلى ووصلت لمرحلة الاكتئاب لما قعد فى البيت وبقيت عاوزة اخرج يوميا ولكن انا بمنع نفسى علشان الكدب انا عاوزة حل علشان يبقى فى تواصل ما بينى ومابين اهلى عاوزاهم يفهموا فكرى وسنى وحياتى وانهم ما يخنقوش عليا فى حاجات مش خاطئة بالمرة ولكنها شئ عادى فى ذلك الوقت
______________________________________________________
طيب ايه رأيك تتفاوضى مع والدك
مثلا كل كتاب تقريه و تلخصيه يقابله ساعة تأخير
أو كل يوم تعملى فيه عمل خيرى كبير يقابله يوم من غير حظر تجوال
أو كل يوم تحضرى فيه الغدا يقابله كذا او كذا
الطريقة دى بتنجح مع اهالى كتير … رأيك ايه؟
