عزيزتى انا فتاه ابلغ من العمر 23 سنه والحمد الله من اسره كويسه وعلى قدر كبير من الجمال والعقل ووحيده اهلى وتقدم لخطبتى شباب كتير بس ملقتش فيهم اللى انا عاوزاه فى المواصفات اللى اتمناها اللتى ليست مستحيله ولكن فى هذا الزمن صعبه لانى بحاجه اللى رجل بمعنى الكلمه وليس عريس فقط
ولكنى تعرفت على شاب ووجدت فيه كل الصفات اللتى احبها من تحمل المسؤليه والكرم والحنيه وباقى الصفات ولكنه قال لى ان عمره 36 سنه وانه كان مرتبط اى متزوج وانفصل ومكنش عندى مشكله لانى شفت شباب كتيلا عن طريق زواج الصالاونات وكان تفكيرهم غريب بس ده الوحيد اللى حسيت انى مرتاحه معاه
المهم رجع قالى تانى انه كذب عليا علشان مش يفقدنى وان عمره 39 وانه منفصل عن مرته وعنده بنتان واحد عندها 6 &3 وانه تزوج صالونات بسبب ضغط اهله وانه حاول يحب مراته لكن مقدرش وطوال السبع سنوات معها لم يتم التفاهم معها كما يقول وان اهله كانوا ضغطين عليه علشان البنات بس هو لم يستطيع
والمشكله انى حاولت ابعد عنه كتيرلانى كنت بعترض لما بسمع مشكله زى دى فى التليفزيون مثلا لاكنى فعلا مش قادره لانى حبيته وهو كمان ومش حاسه بفرق السن معاه لانه عايش حياته كما فى 20 من رياضه وعمل واصدقاء وروح خفيفه ومحب للحياه وفعلا الصفات دى انا مقبلتهاش فى حد من الشباب
طبعا بجانب انه ناجح فى شغله انا فعلا محتاره وانا عارفه انه كذب فى اكتر حاجتين مهمين بس انا مكنتش من النوع اللى بيتعلق بحد بسرعه والمفاجئه ان العلاقه دى عمرها اسبوع فقط مش عارفه ازاى ومع العلم انى شايفه نماذج كتير فى الحياه من اصدقائى او اقاربى وبيتنا فى فرق بسيط فى السن لاكن مفيش تفاهم او احتواء او تحمل مسؤليه يعنى ممكن اكون شبه معقده من الجواز هل لو فكرت فى الزواج بيه ممكن العلاقه تنجح انا حاسه انى قبلت الانسان المناسب فى الظروف الخطأ؟؟
