مروه انا حصل مابينى وبين زميل ليا اعجاب كان باين علينا اوى من غير منصارح بعض بس بيعاملنى ع اساس اننا حبايب بس من غير منقول ونصارح بعض
لغايه مافى يوم قالى وانا ماشيه هتوحشينى استغربت جدا انه قالها من غير مانحدد احنا اللى مابينا ده ايه
فاانا روحت قولتله يعنى ايه او بمعتى اصح بتقولهالى من اى نظره فقالى انا مش عارف بس حسيت انك هتوحشينى قولتله وانا بصراحه مش متعوده ان زميل ليا يقولى الكلمه دي
فقالى بصى كل اللى انا متاكد منه انى معجب بيكى بطريقه كبيره اوى وجدا
قولتله مش هينفع ابدلك نفس الشعور واقولك انى معجبه بيك بس انت لازم تحدد انت عايز ايه وانت بتبصلى باى نظره عشان الاعجاب غير الحب
المهم بينى وبينك مش عارفه ليه انا احترمته وقدرت معنى انه مش عايز يقول الكلمه دي وخلاص حتى ولو لمجرد انه عايز يرضينى وانه شايل هم الكلمه دي اوى
المهم قولتله لازم تقف مع نفسك وقفه وتقرر انت عايز ايه عشان محدش يظلم التانى قالى انتى صح وعندك حق
هو بقا يامروه من الاول كان حكيلى ع كل حاجه تخصه حلوه ووحشه لدرجه انه فى مره قالى مش عارف ليه ساعات بحس انى بحب الانسانه دى وتيجى عليا فتره واحس انى مبقتش بحبها
فلما حصل مابينا الاعجاب وقولتله قرر انت عايز ايه
قالى فاكره لما انا قولتلك كذا كذا قولتله ايوه قالى انا خايف اظلمك معايا واحس بالحساس ده معاكى
قولتله لا مينفعش انت اهم حاجه تكون فيك الالتزام وتحمل المسئوليه قالى صح عندك حق ممكن فعلا اكون بخاف من الالتزام وتحمل المسئوليه او لانى متعودتش ع كده قولتله يبقى انت لازم تحدد وتعرف نفسك وتقرر انت عايز ايه عشان محدش فينا يظلم التانى
جه تانى يوم وقالى انا فكرت فى كلامك وعارف انه صح ولقيت انا فيا حاجات غلط لازم تتغير
ملحوظه
هو بطل حاجات كتير عشانى ومنها السجاير وبدا يصلى يعنى انا حاسه انه كويس بس عايز اللى يساعده
فانتى رايك ايه وخصوصا انا عيزاكى تقوليلى حاجه ع نقطه انه ساعات بيحس انه بيحب واحده معينه ويجى عليه فتره يحس انه مش بيحبهاارد عليه فيها واقوله ايه
مع العلم ان فعلا الموضوع ده ساعات بيحصل مع الواحد
انه يكون حاسس انه بيحب الانسان ده اوى ويجىى بعد فتره يبقى عادى وبعد كده يحس انه بيحبه وبعد كده عادى ده معناه ايه
