fbpx
مونتيسوري مصر- تقدمها مروة رخا

أنا منافق .. أتغير ازاى؟

قبل اى كلام ..ربنا يخليكى ويحميكى يارب ..لأنك قدوه لينا كلنا عقلك قوتك حكمتك وغير ده كله صريحه  ..
قبل ما يكون راحه نفسيه انى احكيلك بجد انا محتاج لرأيك جدا
 
مروه انا مشكلتى انى كنت بحب بنت عمى زمان كنت بحبها وتقريبا كانت حبى الأول حصلت مشاكل كتير
لغايه ما انفصلنا والحمد لله ارتبطت بأنسانه معايا فى الجامعه ..مروه هى انسانه كويسه جدا كل حاجه فيها كانت جميله حسيت بشبه توافق بينا
بس محبتهاش انا ارتحتلها ..استنت منى انى اقولها بحبك ولما حسيت انها حست انى ممكن اكون بلعب بيها بعدت قولتلها انى احساسى الحالى اعجاب وارتياح

قربنا من بعض وفى فتره قليله ..اعترفتلى انها كانت مرتبطه بزميلى اللى معانا فى الجامعه ..وعملت معاه كل حاجه غلط بس هو طلع ابن وابن وسابها بعد ما عمل وهبب كل حاجه
قالتلى كده علشان نبقى على نور
قولتلها انا اسف وسبتها  وبعدنا

بعدها بفتره ..واحده كنت اعرفها زمان من ايام الثانوى .بكلمها على الأيميل
لقتها قربت منى واتكلمنا ..يوم ورا يوم تليفون مقابله
صداقه انتمه ..حب ..بعلب فى تليفونها ..شفت صور ليها عريانه ..قولتلها انى شفت الصور من وراها ..قالتلى عادى ولو عاوزنى ابعتهوملك مفيش مشكله
انا قولت واثقه فيا عادى
وفى يوم دخلنا سينما وكان فيلم قليل الأدب شويه بصراحه انا غلطان مليون فى الميه ..بس هى وافقتنى ادتها بوسه .خطف كده
لقيتها بتجاوبنى ولا زعقت ولا عملت اى حاجه
مروه انا مرعوب ..انا خايف اوى ..انا عارف انى مادمت عملت معاهم كده انا مذنب زيهم بس مش عارف حاسس ان ده هيتعمل فيا فى ولادى او بناتى او مراتى ..انا صليت
ودعيت ربنا يسامحنى
مروه انا كمان لما بقعد مع زمايلى بسمعهم بيحكوا انا كنت بفتكرهم بيفشروا انهم بيعملوا ويسوا مع بنات شراميط لكن انا قابلتهم أعمل ايه؟

أنا عايز أبطل نفاق و ازدواجية

———————————

 

اهلا يا مشمش
 
بص انا مقدرة اللى انت فيه و مش هقعد ابستف فيك و اجيب اللوم و الذنب عليك
 
انا عايزاك تركز معايا
 
 
لازم فى عقلك تحط خطوط فاصلة و واضحة و حاسمة بين اللى انت ممكن تقبله و اللى انت مش ممكن تقبله
 
يعنى مثلا لو انت مش ممكن تقبل ان البنت يكون لها علاقات بريئة يبقى تقول من الأول
او لو انت مش ممكن تتجوز واحدة فقدت عذريتها لأى سبب برده تقول من الأول
او لو انت شايف ان اللى بيحصل دا غلط و حرام يبقى ما تعملوش
 
 
فاهم؟
 
يعنى انت خليك واضح و صريح مع نفسك
و واضح و صريح و بتعبر عن آرائك دى بكل قوة فى كل مكان و قدام اى حد
 
ليه بقى؟
 
أولا دى هتبقى سمعتك … ما هى السمعة بتيجى كدة  لما تبقى دى سمعتك مش هتقدر تعمل عكسها او غيرها
 
ثانيا هتبعد عنك البنات اللى لهم تجارب .. هما خلاص عارفين انت ايه و عايز ايه .. فمش هيقربوا منك اصلا
 
ثالثا هتعفيهم من الاحراج .. يعنى البنت اللى اعترفت لك دى .. اكيد كان صعب عليها انها تعترف و كان اصعب انها تترفض منك
 
يبقى كدة انت ارتحت و ريحت
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”