كم تمنيت ان اكون جرئيه .. و انخرط مع من حولي بسهولة .. و لكني لا استطيع .. !
اعاني من الخجل جدا ، لا اعرف كيف افتح حوار مع من حولي و السبب خجلي ، لا استطيع تكوين صداقات بسرعه .
خجلي يجعلني ان اتنازل عن حقي بعض المرات .. سئمت نفسي و سئمت الخجل .
اريد اكون بارزه دائما لا خلف الستار 🙁
عمرري 22 من السعودية
____________________________________-
اهلا و سهلا بيكى
الخجل مش عيب
لكن عدم الثقة بالنفس هى المشكلة
انتى خايفة تتكلمى فتغلطى؟
خايفة تفتحى موضوع فماتلاقيش اهتمام؟
خايفة تقولى نكتة و ماحدش يضحك؟
طيب و ايه يعنى؟
ما كلنا بنغلط و كلنا ساعات بنفقد اهتمام الطرف الاخر فى الحوار و كلنا بنقول نكت و ماحدش بيضحك عليها
انا عايزاكى تقهرى مخاوفك بسؤال واحد تسأليه لنفسك كل ما الخوف يسيطر عليكى: طيب و ايه يعنى؟
كل ما تخافى تتكلمى اسالى نفسك و ايه يعنى اللى هيحصل
هتلاقى ولا حاجة
احنا بشر و كلنا ممكن نقول حاجة غلط فى توقيت غلط
لكن اللى الواحد بيندم عليه هو صمته مش كلامه … بالذات لو عنده حاجة يقولها
