انا اكثر من مره بعتلك لو تتدكريني يلل كنت احبه وكنا بندرس طب طلع مصورنى فى مواقف معاه صح انها غلط بس لم اخلع ملابسى سامحينى لصراحتى بس مافيش غيرك احكيله واكتشف لما صاحبه اتصل بيا وقال بحبك وكان حبيب صاحبتى والله انا صديته وقالى بتعملى نفسك محترمه وانا شايفك عملتى ايه مع صاحبى واتصل بصاحبتى يلى هيا حبيبتو وقاله انو انا بحبه وطلعت معاه وشوه سمعتى قدام الناس وانه عندو فيديو ليا وحيفضحنى بيه مع صاحبو طب انا دنبي ايه ان كنت بحب حد ووتقت فيه وصارت مشكله وبعد فتره رجعت لصاحبتى لانو اعترفلها انو بيكدب بس الباقى كله صح واتشوهت سمعتى بين صحابى برغم ان محتلرمه بس ضعفت مره واحده ودفعت الغلطه وهو كان غايب لما حاولت افهم منو ليه عمل فيا كده مع ان كنت بحبه وواتقه فيه بس طلع انو مغتص بنت مع ان من عايله كبيره وطلع من الموضوع ببساطه المهم اتصل بيا وقال انو ما عملش كده وانو صاحبه بيكدب بس دلوقتى هو معاه ورجعت صحبتهم اعمل ايه انا عارفا ان غلطت بس والله انان كنت محترمه طول علاقتى معاه 4سنوات دى اول مره
____________________________
اهلا يا مشمشة
هاسألك سؤال: لو انتى كنتى ماشية فى الشارع و لقيتى سور عالى شد انتباهك و قررتى تروحى تشوفى ايه اللى ورا السور دا. فتحتى الباب و لقيتى جنينة حلوة جدا و قررتى تتدخلى تتمشى و تعبتى من المشى و نمتى شوية … صحيتى لقيتى كل العصافير اللى على الشجر غرقوكى بفضالتهم و بقى شكلك وحش و ريحتك وحشة
هتعملى ايه؟
هتفضلى قاعدة مكانك و تسيبى بقية العصافير يتبولوا و يتبرزوا عليكى؟
هتفضلى ماشية فى الجنينة و تحاولى تتجنبى العصافير لكن ريحتك هتفضل وحشة و شكلك هيفضل متبهدل؟
هتسيبى الجنينة و تخرجى من مكان ما دخلتى و تستحملى الريحة و المنظر لحد ما تروحى بيتك و تستحمى و تشيلى القاذورات و ترمى الهدوم المقرفة؟
انتى للأسف من حكايتك اخترتى الخيار الأول و التانى
لكن انتى لو عايزة ترجعى محترمة تانى فى نظر نفسك .. لازم تختارى الحل التالت
تقطعى علاقتك تماما بكل الناس اللى فى "الجنينة" و هتستحملى شوية قرف منهم لحد ما تبعدى كفاية و ينسوكى
و تغيرى نمرتك و ميلك و اى طريقة ممكن يوصلوا لك بيها
و تتعلمى الدروس المستفادة علشان ما تدخليش "جنينة" تانية
و تفكرى نفسك بقيمك و مبادئك اللى انتى اخترتيها منهج ليكى
و تقلبى الصفحة
