فيديو: الكائنات الدقيقة النافعة – نموذج 2 – خل الجن

ايه بقى الكائن الحي دا وأنا عملت بيه ايه؟ 🤔😊 Jun Tea
الإجابة:
صعب نشوف الكائنات الدقيقة من غير ميكروسكوب لكن سهل نشوف تأثيرها وتفاعلها ... دا اللي اتعلمناه في كورس المونتيسوري الكامل من 9-12 سنة.
الكائنات الدقيقة الضارة هي اللي بتسبب الأمراض ... لما نتعرف على الكائنات الدقيقة النافعة هنقدر نحمي نفسنا من الكائنات الدقيقة الضارة (منهج الصحة العامة من 9-12)
في الفيديو ... السائل دا كان المفروض يكون مشروب صحي جداً اسمه jun tea
شاي الجن دا عبارة عن شاي أخضر مضاف له عسل أبيض خام (لازم خام علشان يكون فيه بكتريا نافعة) بيتخمر بفعل بكتريا وخمائر نافعة. لما مش بيتشرب خلال أسبوع أو 8 أيام بيبدأ يتحول لخل 🙂
التجربة كانت أننا هنحط سكوبي SCOBY في الشاي ونسيبها شهور الشتاء كله.
السكوبي دي عبارة عن مزرعة من البكتريا والخمائر بينهم علاقة منفعة متبادلة ... كل واحدة بتنتج حاجة التانية بتتغذى عليها والأخر احنا المستفيدين بالشاي الجن أو الخل.
التجربة دي اتعلمنا فيها عن النوع دا من العلاقات وكمان شوفنا التكاثر .... binary fission
الخلية الأم (اللي بدأنا بيها) انقسمت اتنين نفس الشكل ونفس الحجم بالظبط ... وكل اتنين انقسموا فبقوا أربعة والأربعة بقوا تمانية ... المادة الملظلظة دي بقى هي سليولوز ... دا اللي البكتريا والخمائر عايشة فيه.
اتعلمنا كمان إن بعض الكائنات الدقيقة محتاجة سكر (غذائها) ورطوبة ومكان مظلم ودرجة حرارة معينة (الكمبوتشا بتحب أوي جو الصيف لكن ف حاجات تانية بتحب درجات حرارة أقل).
علشان كدة أي نظام حياة صحي لا فيه سكر ولا كتمة 🙂