فيديو: قرون الفانيليا وصنع فانيليا صحية – مونتيسوري 9-12

يا ترى دا إيه؟ يا ترى بعمل إيه؟ Making Vanilla at Home - Montessori Egypt 9-12
الإجابة:
مش كل البذور زي بعض ولا نفس الشكل ولا نفس النوع.
القرون أو Pods
في بذور بتستخبى في قرون ... زي البسلة مثلاً
الفانيليا الخام كمان بتستخبى في قرون ودا شكلها ... النوع دا من القرون طويل وطري وجواه بذور كتييييييييييييييييييير وصغيرة جداً. القرون دي من جزيرة سوماترا ... في نوع تاني له نكهة مختلفة من تاهيتي.
بعد ما بطلع البذور .... بحطها في برطمان فيه سكر ستيفيا وإريثريتول ... بقصقص القرن نفسه ... بقفل البرطمان وبرجه وبحطه في التلاجة. بسحب منه أحلى سكر بالفانيلا للزبادي أو للحلويات الصحية. كل شوية بزود السكر والقرون والبذور بتحوله لسكر بالفانيليا 🙂
دا تطبيق عملي على نوع من أنواع البذور من منهج المونتيسوري الكامل من 9-12 سنة .. احنا عايشين المونتيسوري مش بس بندرسه ❤