السكرتيرة فكرة زبالة

Date posted: June 29, 2010


 
 
 
مروة صاحبتى بتقولى ان فكرة السكرتيرة فكرة زبالة جدا ودايما السكرتيرة بتبقى معروفة انها بتاعة مديرها

والمديرين بيجاملوا بعض بالسكرتيرات وبتقولى جوزها بيقولها عندهم فى الشركة كده وكل الشركات اللى تعامل معاهم واشتغل فيها كده

وجوزها بيقولها ربنا يستر عليا لان محدش محترم هيوافق يتجوزنى اول ما يعرف انى سكرتيرة .

بصى انا واثقة من نفسى جدا فى الموضوع ده وانا لو كت لقيت ان مديرى زى فكرة المديرين التانين انا كنت سبت الشغل لكن بيعاملنى زى بناته وبجد الحمد لله ربنا رزقنى بشغل كويس فى مكان كويس وتايتل كويس

يعنى انا هنا ليا وضعى واحترامى ،وانا لسه فى اول سنة شغل فى حياتى ، لكن برده كلام صاحبتى ضايقنى جدااااااااااااااااا هى وجوزها ايه الفكرة دى وليه وانتى بتتعاملى مع ناس كتير قوليلى رايك فى الكلام الفكسان ده وتفتكرى فعلا محدش محترم هيعجب بيا

—————————-

 الكلام دا كلام عقيم و متخلف كمان

و ان دل على شئ يدل على وساخة عقلية جوز صاحبتك و على ضيق افق و قلة خبرة صاحبتك

انا اشتغلت فى اكتر من 15 مكان و اتعاملت مع شركات كنير فى مجالات مختلفة

و درست فى الجامعة لسكرتيرات و لبنات نفسهم يبقوا سكرتيرات

و ماشفتش القرف و القذارة دى

 كل مكان فى الكويس و الوحش و كل وظيفة فيها الشريف و الحرامى 

 

الوظيفة عمرها ما بتخلق واحدة محترمة
لكن المحترمة بتفضل محترمة مهما كانت الوظيفة
Bookmark and Share