الحبال الدايبة

Date posted: January 31, 2010


انا محتاجه رايك بشده انا بحبك قوى وشفتك فى البرنامج وحسيت قد ايه انت انسانه محترمه وحكيمه وعندك احساس عالى وربنا يحميكى

انا مشكلتى انى انسانه محترمه جميله عارفه قيمه نفسى وبحترمها جدا ودا بيخلى الى حواليه يحبونى بس يخافوا يقولوا مشاعرهم بيفضلوا يحتفظوا باعجابهم او حبهم على انهم يخسرونى وساعات الاقى حد منهم يخطب حد تانى بس لما يشوفنى الاقى برده انه لسه معجب بيا انا مش بقول دا عن غرور والله بس هوه دا الى بيحصل انا خريجه كله من كليات القمه وكنت لازم اركز فى الدلراسه وماكانش عاندى وقت غير انى اركز فى المزاكره

المشكله الكبيره ان فى شخص واحد بس هوه الى انا معجبه بيه لاعجابه بيه من سنين تقريبا سبع سنين بس عمرنا مااتكلمنا بس بيجى الكليه وبيشوفنى ويمشى وكنت فاكره لما هنتخرج هيجى ويكلمنى بس مش بيجى ولحد دلوقتى لما بيشوفنى بحس ان روحه بيترجعله بحس ان فرحه الدنيا كلها فى عنيه انا معرفش حاجه عنه غير انه قدى بس فى كليه تانيه انا معرفش اخلاقه بس هوه باين عليه انه من عائله كويسه ماديا وواخلاقيا انا مش عارفه ابطل تفكير فيه ومش عارفه اسيطر على مشاعرى ناحيته ومش عارفه اعمل ايه انا مش قادره اصدق انه كان بيتسلى او بيضيع وقته كل السنين دى وكمان مش ممكن يكون بيكدب كل السنين دى ولو بيكدب او بيتسلى او بينتقم لانى شبه حد خدعه انا زنبى ايه وازاى اعرف ان الى قدامى مش بيخدعنى امال الاعجب طول السنين دى ليه انا لسه شايفاه امبارح لقيته فرحان انا مش قادره اكره ومش قادره اعرف كل الى حصل دا ليه ومش عارفه انا غلط فى ايه انى بحافظ على نفسى وانى جد ومش بمشى مع ولاد وانى بتمنىانى الى اكمل معاه اكون بحبه

ياريت تجاوبى عليا لانى مش لاقيه نهاياه لا هوه بيتقدم لاننا لسه فى بدايه حياتنا ولا بيبطل نظراته لما بنتقابل صدفه مش عارفه ابطل تفكير ومش لاقيه نهايهخلاص هتجنن حاسه انى فى بحر ومش عارفه ارجع ولاعارفه ايه الى نزلنىفيه
انا مش عارفه اعرف الرد ازاى ياريت تبعتيلى على الايميل بتاعى مستنياكى ياريت تردى بسرعه
____________________________
انتى محيرة نفسك ليه؟
و عايشة قصة مع نفسك و شاغلة بالك من غير لازمة ليه؟
لو هو فعلا معجب كان اتكلم
لو هو فعلا جاد كان نطق
لو هو فعلا شايف انه يستاهلك و انه مناسب كان فاتحك
لو هو فعلا خايف تضيعى منه بعد التخرج كان اخد خطوة
و ما دام هو ما عملش اى حاجة غير النظرات يبقى الموضوع اوله و اخره نظرات
ما تعلقيش نفسك بالحبال الدايبة
Bookmark and Share