رد صوتى: علاقة تانية حميمة من غير جواز

Date posted: April 17, 2009


 

انت قلتى ان كل مشكلة وليها حل وانا بقلك ان الكلام اسهل بكتير جدا من الفعل سهل انصح الناس بس صعب اوى انى انفذ النصيحة دى انا كل اصحابى بيقوقولو انى دماغى جمدة جدا ودماغى كبيرة كلهم بيحبوا يخدوا رايى فى اى حاجة قبل ما يعملوها وبيعملوا بالى بقولهولهم بس جيت لغاية عندى ومش عرفة اعمل اى حاجة ولا حتى انصح نفسى لانى دايما مش بعرف اعمل الى بقولة

انا عندى 25 سنة يعنى مش مراهقة وبشتغل من حوالى اربع سنين يعنى الى حد ما عندى خبرة فى الدنيا ناجحة جدا فى شغلى بشهادة كل الى حواليا  كل اصحابى بيقولوا عليا جمدة جدا وشخصيتى قوية رغم انى مرحة اوى

سورى لو طولت عليكى بس بقلك كدة علشان تبقى شوية فاهمه الى هقولة بعد كدة انا بحب ومش عارفة اذا كان حبى من طرف واحد ولا لأ بس انا معاه بقالى اكتر من سنتين ويمكن 3  بحس انى اقرب حد لية هو الى بيقول كدة وبيقول انه ميقدرش يستغنى عنى وانى اكتر حد فاهمه فى الدنيا دى كلها

بس انا مش عارفة اقلك ايه احنا علاقتنا يمكن اكتر من المرتبطين فى ما بينا حجات شخصية وخاصة جدا وعمرى ما حسيت انى قليت من نظرة ولا حتى اتغير معايا وكل دة من غير ما يقول كلمة حب واحدة والاول كان الكل عارف انه مش بيفكر فى الارتباط لغايه مكانت الصدمة فجئت بحد بيقولى انه راح يخطب والمفجاة الاكبر خطب واحدة ميعرفهاش يعنى جواز صالونات

لما سالتة اكدلى الخبر معرفتش ساعتها المفروض اعمل ايه اخدت قرارى بانى ابعد عنه نهائيا اطردة من حياتى بس مقدرتش انا للاسف فضلت معاه وفضلت العلاقة الى ما بينا زى ماهى الغريب الى يمكن مش هتصدقية انا مقتنعه انه بيحبنى ومقتنعه انه انسان محترم ومش انانى ومش معايا بيضيع وقت حتى لو قلتى ان كل الدلائل بتقول انه غير كدة انا مقتنعه انه بجد حد كويس

انا بحبه ولا قدرة ابعد ولا قدرة افضل زى مانا تعبانه اخر حاجة مش شايفه حد غيرة وللاسف هو كل حياتى صحبى وحبيبى واخويا وكل حاجة انا بخاف انه يحس انى مضدايقة او زعلانه علشان هو ميضديقش انا مبستحملش انه يضايق لاى سبب فمقدرتش اواجهه ولا اتكلم معاه لمجرد انى مش عوزاة يضايق من نفسه او يحس انه جرحنى انا بحبة اوى اوى اوى بجد بحس انى من غيرة ولا حاجة

انا اتعودت اشوفه كل يوم اكلمة كل يوم لو قعدت يومين تلاتة مش بشوفة بحس انى كنت تايهه وانه وحشنى لدرجة انى مش بستمتع باى حاجة لمجرد انه مش معايا مش عارفة هتقوليلى ايه او اعمل ايه بس انا بدعى ان ميعاد جوازة يتاخر لانى عارفة ان بعد الجواز مش هينفع تنكلم كل يوم بالليل وكمان خايفة ليتغير فى معاملته معايا دة تقريبا الى جوايا وبجد بتمنى الاقى عنك الحل بس خل مش مسكن ويكون اقدر اعملة على فكرة انا اول مرة اكتب لحد او حتى اتلم مع حد بس انت اجبرتينى اعمل دة معاكى لانى حبيت كلاامك وارائك جدا لدرجة انى قررت اكتبلك شكرا على وقتك وسورى لو طولت عليكى

 

اضغط على شريط الاستماع لمعرفة ردى

Get the Flash Player to see this player.

 

Bookmark and Share