لما البنت تحب “تثبت” الولد أو “تقلبه” بالذوق

Date posted: August 24, 2010


 

أحب فتاة  تجيب لا أعلم عندما أسئلها عن مشاعرها نحوي مع العلم أنها ارتبطة بعلاقة مع شاب آخر في الفترة التي كانت تعلم اني أحبها و في خضم  علاقتها كانت تجيب بنفس الجواب الان هي غير مرتبطة و تقول لي أنها لا تستطيع على فراقي لكن لا تعلم مشاعرها نحوي فما المشكلة لا أدري؟
شكرا جزيلا
 
—————————————-
 
اهلا يا مشمش
 
أنا كان نفسى يبقى عندى أخبار حلوة لكن للأسف انت لازم تنسى الموضوع
 
الكلام اللى أنا هقوله دا ينطبق على البنات و الولاد و ممكن يساعدك تفهم رد فعل البنت دى
 
كل ولد و كل بنت فى فـ خيالهم تصور لشريك الحياة أو الحبيب
 
التصور دا ممكن يكون واقعى و ممكن يكون خيال علمى
 
لكن لما البنت او الولد بيقابلوا ناس فى الحياة بتلاقيهم بينجذبوا اكتر للى شبه التصور دا
و اللى مش شبه التصور دا يا بيترفض رفض مباشر
 
يا بيتقال له كلام عايم
يا بيطلب منه يبقى صديق
يا بيبقى استبن – العجلة الاحتياطى كل ما علاقة تخرب
 
و ساعات البنت بتقول لأ بس لان انت عايزها اوى مش بتسمعها او مش بتفهمها
 
كلمة مش عارفة اللى البنت ماسكة فيها دى معناها لأ
و ارتباطها بناس تانية معناها "هم أيوة و انت لأ" و انت بقى لازم تفهم و تقرر انت ناوى تعمل ايه
 
لو تقدر تحتفظ بالصداقة مجردة من اى رغبات اخرى يبقى خير
لو وجودك فى حياتها هيسبب لك الم و جرح مستمر يبقى ابعد
 
لكن ما تستناش على أمل انها ممكن "تعرف" فى يوم من الأيام
لأنها عارفة
و انت كمان عارف
Bookmark and Share